தூத்துக்குடியில் கூடுதல் விமான சேவை 30ம் தேதி தொடக்கம் : கால அட்டவணை வெளியீடு

தூத்துக்குடி விமான நிலையத்தில் இருந்து கூடுதல் விமான சேவை வருகிற 30ஆம் தேதி தொடங்குகிறது.  இதற்கான கால அட்டவணை வெளியாகி உள்ளது.

சென்னையில் இருந்து தூத்துக்குடிக்கு இரு வழித்தடங்களில் நாள்தோறும் 8 விமான சேவைகள் இயக்கப்பட்டு வருகிறது. இந்த நிலையில், சென்னை - தூத்துக்குடி இடையே 12 சேவையாக அதிகரிக்க ஒப்புதல் அளிக்கப்பட்டுள்ளது. வருகின்ற மார்ச் 30ஆம் தேதிமுதல் விமான சேவை அதிகரிக்கப்படும் என்று தெரிவிக்கப்பட்டுள்ளது. 

அதன்படி விமான எண் 6 இ 7193 சென்னையில் இருந்து காலை 5.50 மணிக்கு புறப்பட்டு தூத்துக்குடிக்கு 7.30 மணிக்கும், விமான எண் எஸ்.ஜி. 2963 சென்னையில் இருந்து 6 மணிக்கு புறப்பட்டு தூத்துக்குடிக்கு 7.40 மணிக்கும், விமான எண் 6 இ 7343 சென்னையில் இருந்து 6.55 மணிக்கு புறப்பட்டு தூத்துக்குடிக்கு 8.35 மணிக்கும், விமான எண் 6 இ 7339 சென்னையில் இருந்து 8.55 மணிக்கு புறப்பட்டு தூத்துக்குடிக்கு 10.35 மணிக்கும் வந்து சேரும். 

இதேபோல் விமான எண் எஸ்.ஜி.2965 பெங்களூருவில் இருந்து 9.55 மணிக்கு புறப்பட்டு தூத்துக்குடிக்கு 11.45 மணிக்கும்,  விமான எண் 6 இ 7605 சென்னையில் இருந்து 12 மணிக்கு புறப்பட்டு தூத்துக்குடிக்கு 1.40 மணிக்கும், விமான எண் 6 இ 7735 பெங்களூருவில் இருந்து 1.50 மணிக்கு புறப்பட்டு தூத்துக்குடிக்கு 3.55 மணிக்கும், விமான எண் எஸ்.ஜி. 2967 சென்னையில் இருந்து 2.20 மணிக்கு புறப்பட்டு தூத்துக்குடிக்கு 3.55 மணிக்கும், விமான எண் 6 இ 7179 சென்னையில் இருந்து 2.25 மணிக்கு புறப்பட்டு தூத்துக்குடிக்கு 4.05 மணிக்கும் வந்து சேரும். 

இதேபோல் தூத்துக்குடி இருந்து காலை 7.50 மணிக்கு புறப்பட்டு சென்னைக்கு 9.25 மணிக்கும், 8 மணிக்கு புறப்பட்டு பெங்களூருவுக்கு 9.35 மணிக்கும், 8.55 மணிக்கு புறப்பட்டு சென்னைக்கு 10.30 மணிக்கும், 11.20 மணிக்கு புறப்பட்டு சென்னைக்கு 12.55 மணிக்கும், 12.10 மணிக்கு புறப்பட்டு சென்னைக்கு 1.45 மணிக்கும், 2 மணிக்கு புறப்பட்டு சென்னைக்கு 3.55 மணிக்கும், 3.55 மணிக்கு புறப்பட்டு பெங்களூருவுக்கு 5.35 மணிக்கும், 4.25 மணிக்கு புறப்பட்டு சென்னைக்கு 6 மணிக்கும். 4.55 மணிக்கு புறப்பட்டு சென்னைக்கு6.30 மணிக்கும் செல்லும் என அறிவிக்கப்பட்டுள்ளது.