தூத்துக்குடி அருகே பைக் விபத்தில் வாலிபர் பலி

தூத்துக்குடி அருகே பைக் நிலைதடுமாறி விபத்துக்குள்ளானதில் வாலிபர் சம்பவ இடத்திலேயே பரிதாபமாக இறந்தார். 

தூத்துக்குடி, முத்தையாபுரம் அருகேயுள்ள சவேரியார் புரத்தைச் சேர்ந்தவர் வேணுகோபால் மகன் முத்துராஜா (26), இவர் நேற்று மாலை குளத்தூரில் இருந்து தூத்துக்குடிக்கு பைக்கில் வந்து கொண்டிருந்தார். பனையூர் அருகே வரும்போது திடீரென பைக் நிலை தடுமாறி விபத்துக்குள்ளானது. இதில் பலத்த காயம் அடைந்த அவர் சம்பவ இடத்திலேயே இறந்தார். இந்த சம்பவம் குறித்து குளத்தூர் காவல் நிலைய இன்ஸ்பெக்டர் ராஜகுமாரி வழக்கு பதிவு செய்து விசாரணை நடத்தி வருகிறார்.