» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் புதிய சட்டங்கள் குறித்து காவல் ஆய்வாளர்களுக்கு பயிற்சி!

சனி 25, மே 2024 5:35:04 PM (IST)



தூத்துக்குடியில் பாராளுமன்றத்தால் இயற்றப்பட்ட 3 புதிய முக்கிய குற்றவியல் சட்டங்கள் குறித்து காவல் ஆய்வாளர்களுக்கான ஒரு நாள் பயிற்சி வகுப்பு எஸ்பி பாலாஜி சரவணன் தலைமையில் இன்று நடைபெற்றது.

தற்போதுள்ள குற்றவியல் சட்டங்களான இந்திய தண்டனை சட்டம் (IPC), இந்திய குற்றவியல் நடைமுறை சட்டம் (CRPC) மற்றும் இந்திய சாட்சிய சட்டங்கள் (IEA) ஆகியவற்றை ரத்து செய்வதற்கு பாராளுமன்றத்தால் 'பாரதிய நியாய சன்ஹிதா" (Bharatiya Nyaya Sankhita - BNS), 2023 'பாரதிய நாகரிக் சுரக்ஷா சன்ஹிதா" (Bharatiya Nagarik Suraksha Sanhita - BNSS) 2023 மற்றும் 'பாரதிய சாக்ஷிய அதினியம்" (Bharatya Sakshya Adhiniyam - BSA) 2023 ஆகியவை 25.12.2023 அன்று இயற்றப்பட்டுள்ளது.

இந்த புதிய சட்டங்கள் 01.07.2024 முதல் அமலுக்கு வருவதையடுத்து இச்சட்டங்கள் குறித்து தூத்துக்குடி மாவட்டத்தில் காவல்துறையினருக்கு பயிற்சி அளிக்கப்பட்டு வருகிறது. அதன்படி இன்று (25.05.2024) தூத்துக்குடி மாவட்டத்தில் உள்ள அனைத்து காவல் ஆய்வாளர்கள் மற்றும் சார்பு ஆய்வாளர்களுக்கான ஒரு நாள் பயிற்சி வகுப்பு மாவட்ட காவல் கண்காணிப்பாளர் எல். பாலாஜி சரவணன் தலைமையில் நடைபெற்றது.

இப்பயிற்சியில் சென்னை உயர் நீதிமன்ற மதுரை கிளை அரசு தரப்பு வழக்கறிஞர் சிவக்குமார் கலந்து கொண்டு காவல்துறை அதிகாரிகளுக்கு புதிய குற்றவியல் சட்டங்கள் குறித்து விரிவாக எடுத்துரைத்து பயிற்சி அளித்தார். இந்த பயிற்சி வகுப்பில் தலைமையிடத்து காவல்துறை கூடுதல் கண்காணிப்பாளர் ஆறுமுகம், காவல் துணை கண்காணிப்பாளர்கள் மணியாச்சி லோகேஸ்வரன், ஸ்ரீவைகுண்டம் மாயவன், மாவட்ட குற்றப்பிரிவு ராஜு உட்பட அனைத்து உட்கோட்ட காவல் ஆய்வாளர்கள் மற்றும் சார்பு ஆய்வாளர்கள் கலந்து கொண்டனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads




Arputham Hospital






Thoothukudi Business Directory