பச்சை குத்துபவா்களுக்கு சுகாதாரத் துறை அறிவுரை

பச்சை குத்துபவா்கள் ஒருவருக்கு பயன்படுத்திய ஊசியை மற்றவா்களுக்கு பயன்படுத்த கூடாது என சுகாதாரத் துறையினா் அறிவுறுத்தினா்.

திருச்செந்தூரில் வைகாசி விசாகத் திருவிழாவை முன்னிட்டு சுகாதாரத் துறை சாா்பில் கோயில் வளாகத்தில் 3 இடங்களில் மருத்துவ முகாம்கள் அமைக்கப்பட்டுள்ளன. மேலும், கோயில் வளாகத்தில் உள்ள பச்சை குத்தும் கடைகளில் சுகாதாரத் துறையினா் ஆய்வு மேற்கொண்டனா். பச்சை குத்துவதற்கு ஒருவருக்கு பயன்படுத்திய ஊசியை மற்றவா்களுக்கு பயன்படுத்தக் கூடாது எனவும், பயன்படுத்திய ஊசிகளை அப்புறப்படுத்துவது குறித்தும் சுகாதார மேற்பாா்வையாளா் சுப்பிரமணியன், சுகாதார ஆய்வாளா்கள் ஜெய்சங்கா், செல்வகுமாா் ஆகியோா் அறிவுறுத்தினர்.