கன்று குட்டிகளை திருடிய 2பேர் கைது!

தூத்துக்குடி அருகே 2 கன்று குட்டிகளை திருடிய 2பேரை போலீசார் கைது செய்தனர்.

தூத்துக்குடி அருகே உள்ள புதுக்கோட்டை சிறுபாடு கிராமம் தெற்கு தெருவைச் சேர்ந்தவர் அப்துல் காதர் மகன் அசார் (29). இவர் சொந்தமாக மாடுகள் வளர்த்து வருகிறார். நேற்று முன்தினம் இரவு மர்ம ஆசாமிகள் தொழுவத்தில் கட்டி இருந்த 2 கன்று குட்டிகள், 80 வைக்கோல் கட்டுகள் ஆகியவற்றை திருடி சென்று விட்டனர். இதன் மதிப்பு ரூ.1 லட்சம் ஆகும். இதுகுறித்து புதுக்கோட்டை காவல் நிலையத்தில் அசார் புகார் அளித்துள்ளார்.

அதன் பேரில் சப் இன்ஸ்பெக்டர் ஞானராஜ் வழக்குப்பதிவு செய்து விசாரணை நடத்தியதில் கூட்டாம்புளி, சாமி கோவில் தெருவை சேர்ந்த சுடலைமணி மகன் சுரேஷ் என்ற பன்றி சுரேஷ் (48), முருகேசன் மகன் ரஞ்சித் குமார் என்ற சீனிவாசன் (25) ஆகிய 2பேரும் திருடியது தெரியவந்தது. இதையடுத்து போலீசார் 2பேரையும் கைது செய்து, சுரேஷுக்கு சொந்தமான பிக்கப் வேன் மற்றும் 40 வைக்கோல் கட்டுகளை பறிமுதல் செய்தனர்.