தமிழ்நாடு மெர்க்கன்டைல் வங்கியின் 4 புதிய கிளைகள் திறப்பு விழா!

வங்கியானது 553, 554,555வது மற்றும் 556வது கிளைகளை தஞ்சாவூர் மாவட்டம் திருபுவனம், கர்நாடகா மாநிலம், ஹாசன் மாவட்டம், ஹோலேநரசிபுரா, கிருஷ்ணகிரி மாவட்டம் தேன்கனிக்கோட்டை மற்றும் சேலம் மாவட்டத்தில் காடையாம்பட்டி ATM வசதியுடன் இன்று துவக்கியுள்ளது. இந்த நான்கு கிளைகளுடன் தமிழ்நாட்டில் உள்ள கிளைகளின் எண்ணிக்கை 409யை எட்டி உள்ளது.

திருபுவனத்தில் 553வது கிளையை நகர பஞ்சாயத்து  தலைவர் அமுதவல்லி கோவிந்தன் துவக்கி வைத்தார். கர்நாடகா மாநிலம் ஹோலேநரசிபுராவில் 554வது கிளையை  நகராட்சி நிர்வாக சேவை, தலைமை அதிகாரி கிரேடு 1, மகேந்திரா புதிய கிளையை துவக்கி வைத்தார். கிருஷ்ணகிரி மாவட்டம் தேன்கனிக்கோட்டையில் 555வது கிளையை குருகுலம் குழும கல்வி நிறுவனம் துணைத் தலைவர் பேராசிரியர் நரசி ரெட்டி துவக்கி வைத்தார்

சேலம் மாவட்டம் காடையாம்பட்டியில்  556வது கிளையை பச்சமுத்து குழும கல்வி நிறுவனம் தலைவர்,  பாஸ்கர் துவக்கி வைத்தார். விழாவில், வங்கியின் மண்டல மேலாளர், ஊழியர்கள், அலுவலர்கள், வாடிக்கையாளர்கள் மற்றும் பொதுமக்கள் கலந்து கொண்டு இந்ததிறப்பு விழாவினை சிறப்பித்தார்கள். 

புதிய கிளைகள் திறப்பு குறித்து வங்கியின் நிர்வாக இயக்குனர் மற்றும் தலைமை செயல் அதிகாரி கிருஷ்ணன்  விளக்கியதாவது: பங்குச் சந்தைகளில் பட்டியலிட்ட பிறகு வங்கியானது அதனை நாடு முழுவதும் விரிவாக்கம் செய்யும் திட்டத்தில் வேகம் காட்டும் விதமாக தனது செயல்பாடுகளை செய்து வருகிறது. அதன் தொடர்ச்சியாக இன்று 553, 554, 555 மற்றும் 556வது கிளைகளை ATM வசதியுடன் துவக்கியுள்ளது. 

மேலும் இன்னும் அதிகமான கிளைகளை இந்தியா முழுவதும் துவங்கிட திட்டமிட்டிருக்கிறது. இந்த புதிய கிளையின் துவக்க விழாவின் மகிழ்ச்சியினை வங்கியின் அனைத்து உடைமைதாரர்களுக்கும் பகிர்ந்து கொள்வதில் மட்டற்ற மகிழ்ச்சியடைகிறேன் என்றார்.

தமிழ்நாடு மெர்க்கன்டைல் வங்கி ஒரு பெயர் பெற்ற பழைமையான தனியார் துறை வங்கியாகும். தூத்துக்குடியை தலைமை அலுவலகமாக கொண்டு இயங்கிவரும் இந்த வங்கி நூறு ஆண்டுகளுக்கும் மேலாக வாடிக்கையாளர் சேவையிலும் அதன் கோட்பாடுகள் மற்றும் வரைமுறைகளிலும் போற்றுதலுக்குரிய சரித்திரம் படைத்து வருவதோடு, தொடர்ந்து இலாபம் ஈட்டியும் வருகிறது. இந்த வங்கியானது, இந்தியா முழுவதிலும் 17 மாநிலங்கள், 4 யூனியன் பிரதேசங்களில் 556 கிளைகள் மற்றும் 12 மண்டல அலுவலகங்களை கொண்டு சுமார் 50 லட்சத்துக்கும் மேலான வாடிக்கையாளர்களுக்கு நிறைவான சேவை ஆற்றி வருகிறது.