பைக் விபத்தில் ஐடிஐ மாணவர் பலி; நண்பர் படுகாயம்; தூத்துக்குடியில் பரிதாபம்!

தூத்துக்குடியில் பைக் விபத்தில் ஐடிஐ மாணவர் உயிரிழந்தார். அவரது நண்பர் படுகாயம் அடைந்தார். 

தூத்துக்குடி சிலுவைபட்டி சுனாமி காலனியைச் சேர்ந்தவர் கில்டஸ் மகன் மரிய அந்தோணி அலெக்ஸ் (19). இவர் தூத்துக்குடி ஐடிஐ-யில் டிப்ளமோ மெக்கானிக்கல் இன்ஜினியரிங் 3ஆம் ஆண்டும் படித்து வருகிறார். இவர் நேற்று தனது நண்பரான அதே பகுதியைச் சேர்ந்த ஞானபிரகாசம் மகன் சேசுராஜ் (20) என்பவருடன் பைக்கில் சிலுவைப்பட்டி மெயின் ரோட்டில் சென்று கொண்டிருந்தார்.

அப்போது பைக் நிலைதடுமாறி அங்குள்ள கோவில் காம்பவுன்ட் சுவரில் மோதி விபத்துள்ளானது. இதில் பைக்கின் பின்னால் அமர்ந்திருந்த மரிய அந்தோணி அலெக்ஸ் தலையில் பலத்த காயம் ஏற்பட்டு சம்பவ இடத்திலேயே உயிரிழந்தார். அவரது நண்பர் சேசுராஜ் படுகாயம் அடைந்து தூத்துக்குடி அரசு மருத்துவமனையில் அனுமதிக்கப்பட்டுள்ளார். விபத்து குறித்து தாளமுத்துநகர் போலீஸ் இன்ஸ்பெக்டர் ஆதாம் அலி வழக்குப் பதிந்து விசாரணை நடத்தி வருகிறார்.