» செய்திகள் - விளையாட்டு » மாவட்ட செய்தி (தூத்துக்குடி)

வாழ்ந்து காட்டுவோம் திட்டம் பொதுக்குழு கூட்டம் : ஆட்சியர் தலைமையில் நடைபெற்றது!

திங்கள் 20, நவம்பர் 2023 7:59:08 PM (IST)



தூத்துக்குடியில் ஆட்சியர் கோ.லட்சுமிபதி,  தலைமையில் வாழ்ந்து காட்டுவோம் திட்டம் 8வது பொதுக்குழு மற்றும் 11வது செயற்குழு கூட்டம் நடைபெற்றது.

தூத்துக்குடி மாவட்ட ஆட்சியர் அலுவலகக் கூட்டரங்கில் இன்று (20.11.2023) ஊரக வளர்ச்சி மற்றும் ஊராட்சித் துறையின் சார்பில் வாழ்ந்து காட்டுவோம் திட்டம் (தமிழ்நாடு ஊரக புத்தாக்க சங்கம்) 8வது பொதுக்குழு மற்றும் 11வது செயற்குழு கூட்டம் மாவட்ட ஆட்சியர் கோ.லட்சுமிபதி,  தலைமையில் நடைபெற்றது.

இக்கூட்டத்தில் தொழிற்குழு மற்றும் உற்பத்தியாளர் குழுக்களின் வணிக விரிவாக்க நிதி பற்றிய விபரம் கூறப்பட்டது. இணைமானிய நிதி திட்டம் மூலம் நிதி பெற்ற தொழில்சார் சமூக வல்லுநர்கள் மற்றும் வங்கிகளில் நிலுவையில் உள்ள விண்ணப்ப விவரம் தெரிவிக்கப்பட்டது. மேலும், சமுதாய திறன் பள்ளி மற்றும் சமுதாய பண்ணைப் பள்ளி அமைக்கப் பெற்ற நிதி விவரங்கள் தெரிவிக்கப்பட்டது. வாழ்ந்து காட்டுவோம் திட்டம் செயல்படும் ஆழ்வார்திருநகரி, கருங்குளம், சாத்தான்குளம் மற்றும் தூத்துக்குடி ஆகிய 4 ஒன்றியங்களில் பணியமர்த்தப்பட்ட 105 ஊராட்சிகளில் உள்ள தொழில்சார் சமூக வல்லுநர்களுக்கு நடைபெற்ற தொழில் முனைவோர் பயிற்சி பற்றி கூறப்பட்டது.

இக்கூட்டத்தில் திட்ட இயக்குநர்(பொறுப்பு) தமிழ்நாடு ஊரக வளர்ச்சி முகமை, இணை இயக்குநர்/திட்ட இயக்குநர் தமிழ்நாடு மாநில ஊரக வாழ்வதார இயக்கம் வீரபுத்திரன், முன்னோடி வங்கி மேலாளர் (பாரத ஸ்டேட் வங்கி) துரைராஜ், மாவட்ட செயல் அலுவலர் (வாழ்ந்து காட்டுவோம் திட்டம்) தாமோதரன், செயல் அலுவலர் செல்வகுமார், மாவட்ட தொழில் மைய அலுவலர்கள், செயற்குழு உறுப்பினர்கள், அரசு அலுவலர்கள் மற்றும் திட்ட செயலர்கள் ஆகியோர் கலந்து கொண்டனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads





Arputham Hospital







Thoothukudi Business Directory