தமிழ்நாடு மெர்க்கன்டைல் வங்கியின் புதிய கிளைகள் திறப்பு விழா

தூத்துக்குடியை தலைமையிடமாகக் கொண்டு இயங்கி வரும் தமிழ்நாடு மெர்க்கன்டைல் வங்கியின் 532 மற்றும் 533வது கிளைகளை தமிழகத்தின் திருவாரூர் மாவட்டம் முத்துப்பேட்டை மற்றும் கோயம்புத்தூர் மாவட்டம் ஆவல்சின்னாம்பாளையம் ஆகிய இடங்களில் நடைபெற்றது. முத்துப்பேட்டையில் 532வது கிளையை அனைத்து முஹல்லா தலைவர் முகம்மது அலி (எ) ஜெர்மன் அலி, வங்கியின் பொது மேலாளர் . ஜெயராமன் முன்னிலையில் திறந்துவைத்தார்.

கோயம்புத்தூர் மாவட்டம் ஆவல்சின்னாம்பாளையத்தில் 533வது கிளையை கொட்டாம்பட்டி பஞ்சாயத்து தலைவர் ஜமீன் பாலசுப்பிரமணியன் திறந்துவைத்தார். விழாவில் வங்கியின் ஊழியர்கள், அலுவலர்கள், வாடிக்கையாளர்கள் மற்றும் பொதுமக்கள் கலந்து கொண்டனர். 

புதிய கிளைகள் திறப்பு குறித்து வங்கியின் நிர்வாக இயக்குனர் மற்றும் தலைமை செயல் அதிகாரி கிருஷ்ணன் கூறுகையில், பங்குச் சந்தைகளில் பட்டியலிட்ட பிறகு வங்கியானது அதன் நாடு முழுவதும் விரிவாக்கம் செய்யும் திட்டத்தில் வேகம் காட்டும் விதமாக தனது செயல்பாடுகளை செய்து வருகிறது. அதன் துவக்கமாக இன்று தமிழகத்தில் 532 மற்றும் 533வது கிளைகளை திறந்திருக்கிறோம். மேலும் இன்னும் அதிகமான கிளைகளை இந்தியா முழுவதும் திறந்திட திட்டமிட்டிருக்கிறோம். வங்கி மீண்டும் ஈடுபட்டு வரும் தனது விரிவாக்க செயல்பாடுகளில், இன்று இந்த புதிய கிளை துவக்க விழாவின் மகிழ்ச்சியினை வங்கியின் அனைத்து உடைமைதாரர்களுக்கும் பகிர்ந்து கொள்வதில் மட்டற்ற மகிழ்ச்சியடைகிறேன் என்றார்.

தமிழ்நாடு மெர்க்கன்டைல் வங்கி லிமிடெட் (TMB), ஒரு பெயர்பெற்ற பழைய தனியார் துறை வங்கியாகும். தூத்துக்குடியில் தலைமை அலுவலகம் கொண்ட இந்த வங்கி நூறு ஆண்டுகளுக்கும் மேலாக வாடிக்கையாளர் சேவையிலும் அதன் கோட்பாடுகள் மற்றும் வரைமுறைகளிலும் போற்றுதலுக்குரிய சரித்திரம் படைத்து வருவதோடு, தொடர்ந்து இலாபம் ஈட்டி வருகிறது. இந்த வங்கியானது, இந்தியா முழுவதிலும் 16 மாநிலங்கள், 4 யூனியன் பிரதேசங்களில் 531 கிளைகள், 12 மண்டல அலுவகங்களின் மூலம் சுமார் 50 லட்சத்துக்கும் மேலான வாடிக்கையாளர்களுக்கு நிறைவான சேவை ஆற்றி வருகிறது.