அகில இந்திய ஹாக்கி போட்டி : புது தில்லி அணிகள் அரையிறுதிக்குத் தகுதி

கோவில்பட்டியில் நடைபெறும் அகில இந்திய ஹாக்கி போட்டியின் அரையிறுதிக்கு புதுதில்லி பஞ்சாப் தேசிய வங்கி, புதுதில்லி கம்ப்ட்ரோலா் மற்றும் ஆடிட்டா் ஜெனரல் ஆஃப் இந்தியா, புதுதில்லி பெட்ரோலியம் விளையாட்டு ஊக்குவிப்பு அணிகள் முன்னேறியுள்ளன.

தூத்துக்குடி மாவட்டம் கோவில்பட்டியில் லட்சுமி அம்மாள் நினைவு கோப்பைக்கான அகில இந்திய ஹாக்கி போட்டி நடைபெற்று வருகிறது. நேற்று காலையில் நடைபெற்ற காலிறுதி முதல் ஆட்டத்தில் புதுதில்லி பஞ்சாப் தேசிய வங்கி அணியும் தமிழ்நாடு விளையாட்டு மேம்பாட்டு ஆணைய அணியும் மோதின. இதில் இரு அணிகளும் தலா 2 கோல் போட்டு சமநிலை அடைந்தன. 

அதைத் தொடா்ந்து ஷூட்-அவுட் முறையில் 4 - 3 என்ற கோல் கணக்கில் புதுதில்லி பஞ்சாப் தேசிய வங்கி அணி வெற்றி பெற்று அரையிறுதிக்கு தகுதி பெற்றது. மாலை 5 மணிக்கு நடைபெற்ற மற்றொரு காலிறுதி போட்டியில் புதுதில்லி கம்ப்ட்ரோலா் மற்றும் ஆடிட்டா் ஜெனரல் ஆஃப் இந்தியா அணியும் சென்னை இந்தியன் ஓவா்சீஸ் வங்கி அணியும் மோதின. இதில் 4 - 3 என்ற கோல் கணக்கில் புதுதில்லி அணி வெற்றி பெற்று அரையிறுதிக்கு முன்னேறியது.

தொடா்ந்து நடைபெற்ற மற்றொரு காலிறுதி போட்டியில் புதுதில்லி பெட்ரோலியம் விளையாட்டு ஊக்குவிப்பு அணியும் பெங்களூா் கனரா வங்கி அணியும் மோதின. இதில் 4 - 0 என்ற கோல் கணக்கில் புதுதில்லி அணி வெற்றி பெற்று அரையிறுதிக்கு தகுதி பெற்றது. பின்னா் நடைபெற்ற மற்றொரு காலிறுதி போட்டியில் செகந்திராபாத் தென் மத்திய ரயில்வே அணியும் சென்னை மத்திய கலால் துறை அணியும் மோதின.சனிக்கிழமை (மே 27) மாலை அரையிறுதிப் போட்டிகள் நடைபெறும்.