ஊருக்குள் திரிந்த குரங்குகளை கூண்டு வைத்து பிடித்த வனத்துறையினர்!

கோவில்பட்டி  நகர் பகுதியில் பொதுமக்களை அச்சுறுத்திய குரங்குகளை வனத்துறையினர் கூண்டு வைத்து பிடித்தனர். 

தூத்துக்குடி மாவட்டம், கோவில்பட்டி  பிஎஸ்என்எல் அலுவலகம் பகுதியில் சுற்றித்திரிந்த குரங்குகளால் அப்பகுதி மக்கள், அச்சத்துடன் வசித்து வந்தனர். பொதுமக்கள் பாதிக்கப்படுவதால் குரங்குகளை பிடித்து வனப்பகுதியில் விட வேண்டும் என்று பிஎஸ்என்எல் ஊழியர்கள் வைத்த கோரிக்கையை தொடர்ந்து கோவில்பட்டி வனச்சரக  அலுவலர் பாரதி, வனவர் கேசவன் ஆகியோர் அறிவுறுத்தலின் பேரில் வனத்துறை ஊழியர்கள் கூண்டு வைத்து குரங்குகளை பிடித்து சென்றனர்.