சமையல் செய்தபோது தீவிபத்து : கணவன்- மனைவி பலி

கோவில்பட்டியில் சமையல் செய்தபோது ஏற்பட்ட தீவிபத்தில் கணவன்-மனைவி பரிதாபமாக இறந்தனர். 

இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், கோவில்பட்டி, இந்திரா நகரை சேர்ந்தவர் சர்க்கரை மகன் சண்முகபாண்டி (70), இவரது மனைவி ராமலட்சுமி (60). கடந்த 1ஆம் தேதி கேஸ் அடுப்பை சரியாக அடைக்காமல் இருந்ததாக கூறப்படுகிறது. இதையடுத்து மாலையில் டீ போடுவதற்காக அடுப்பை பற்ற வைத்தபோது தீவிபத்து ஏற்பட்டுள்ளது. இதில் கணவன்-மனைவி இருவரும் உடல் கருகி பலத்த காயம் அடைந்தனர். 

அவர்கள் இருவரும் பாளையங்கோட்டை அரசு மருத்துவமனையில் அனுமதிக்கப்பட்டனர். அங்கு சிகிச்சை பலனளிக்காமல் நேற்று இருவரும் அடுத்தடுத்து உயிரிழந்தனர். இந்த சம்பவம் குறித்து கோவில்பட்டி மேற்கு காவல் நிலைய இன்ஸ்பெக்டர் கிங்ஸ்லி தேவானந்த் வழக்கு பதிவு செய்து விசாரணை நடத்தி வருகிறார். இந்த சம்பவம் கோவில்பட்டியில் பெரும் சோகத்தை ஏற்படுத்தி உள்ளது