பள்ளி மாணவி தூக்கிட்டு தற்கொலை: போலீஸ் விசாரணை

தூத்துக்குடி அருகே பள்ளி மாணவி தூக்கிட்டு தற்கொலை செய்து கொண்டது தொடர்பாக போலீசார் விசாரணை நடத்தி வருகின்றனர். 

இதுகுறித்து போலீஸ் தரப்பில் கூறப்படுவதாவது: தூத்துக்குடி மாவட்டம் எப்போதும் வென்றான் அருகேயுள்ள ஆதனூர் கிராமத்தைச் சேர்ந்தவர் ரவிகுமார். இவரது மகள் சுபபிரியா (15), சில்லாநத்தம் பகுதியில் உள்ள பள்ளியில் 9ஆம் வகுப்பு படித்து வந்தார். நேற்று மாலையில் தனது வீட்டில் தூக்கிட்டுத் தற்கொலை செய்து கொண்டார். 

இதுகுறித்து தகவல் அறிந்து, எப்போதும்வென்றான் போலீஸ் இன்ஸ்பெக்டர் ஜின்னா பீர் முகம்மது தலைமையிலான போலீசார் சம்பவ இடத்திற்கு சென்று மாணவியின் உடலை மீட்டு பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்குப் பதிந்து விசாரணை நடத்தி வருகின்றனர். பள்ளி மாணவி தற்கொலை செய்து கொண்ட சம்பவம் அப்பகுதியில் அதிர்ச்சியையும், சோகத்தையும்  ஏற்படுத்தியுள்ளது.