ஆளுநரை இழிவாக பேசுவது தான் திராவிட மாடல் ஆட்சியா? நடிகை குஷ்பு பேட்டி

ஆளுநரை இழிவாக பேசுவதுதான் திராவிட மாடல் ஆட்சியா? என பாஜக தேசிய செயற்குழு உறுப்பினர் நடிகை குஷ்பூ கேள்வி எழுப்பினார். 

தூத்துக்குடி விமான நிலையத்தில் செய்தியாளர்களை சந்தித்த அவர், "தமிழகத்தில் சட்டம் ஒழுங்கு மோசமாக உள்ளது. பெண்களுக்கு பாதுகாப்பு இல்லாத நிலை உள்ளது. தமிழக முதல்வர் கண்ணை மூடிக்கொண்டு எதுவுமே நடக்கவில்லை என்று கூறுகிறார் ஈஷா மையத்தில் சுபஸ்ரீ உயிரிழந்துள்ளார் முறையாக விசாரணை நடத்த வேண்டும். சட்டம் அனைவருக்கும் சமம் ஈசாவுக்கு என்று ஒரு சட்டம் நமக்கு என்று ஒரு சட்டம் எதுவும் கிடையாது. 

முறையாக விசாரணை நடைபெற வேண்டும். சட்டசபையிலிருந்து ஆளுநர் வெளியே செல்லும்போது அமைச்சர் பொன்முடி போயா என்று இழிவாக பேசி உள்ளார். இதுதான் திராவிட மாடல் ஆட்சியா மற்றவர்களை தரக்குறைவாக இழிவாக பேசுவது தான் திராவிட மாடலா? நாட்டில் இளைஞர்கள் போதை பழக்கத்திற்கு அடிமை ஆவது குறித்து மத்திய அரசு மட்டுமல்ல மாநில அரசு மட்டுமல்ல அனைவரும் ஒன்றிணைந்து தான் அது குறித்து நடவடிக்கை எடுக்க வேண்டும்" என தெரவித்தார்.