அரசு ஊழியர் அடுக்குமாடி குடியிருப்புகள் இடித்து அகற்றம்: நிர்வாக அதிகாரி தகவல்!

தூத்துக்குடி சங்கரப்பேரியில் உள்ள 198 அரசு ஊழியர் அடுக்குமாடி வாடகை குடியிருப்புகள் இடித்து அகற்றப்பட உள்ளன.

இது தொடர்பாக நெல்லை வீட்டு வசதி வாரிய செயற்பொறியாளர் மற்றும் நிர்வாக அதிகாரி விடுத்துள்ள செய்திக்குறிப்பில் கூறியிருப்பதாவது : தூத்துக்குடி மாவட்டம் சங்கரப்பேரி உள்ள வீட்டுவசதி வாரியத்தால் கட்டப்பட்ட அரசு ஊழியர் அடுக்குமாடி குடியிருப்புகள் சேதம் அடைந்து, குடியிருக்க தகுதியற்ற நிலையில் உள்ளன. ஆபத்தான நிலையில் உள்ள இந்த வீடுகளை ஒப்பந்தபுள்ளி முறை மற்றும் ஏலம் மூலம் இடித்து அப்புறப்படுத்த தற்போது அரசு அனுமதி அளித்து உள்ளது.

அதன்படி தூத்துக்குடி மாவட்டம் சங்கரப்பேரியில் உள்ள 198 அரசு ஊழியர் அடுக்குமாடி வாடகை குடியிருப்புகள் இடித்து அகற்றப்பட உள்ளன. இந்த பணிக்கு அரசு துறையில் பதிவு பெற்ற ஒப்பந்ததாரர்கள் நெல்லை வீட்டு வசதி வாரிய கோட்ட அலுவலகத்தை 07.12.2022 முதல் 21.12.2022 வரை அலுவலக வேலை நாட்களில் தொடர்பு கொள்ளலாம் என தெரிவிக்கப்பட்டுள்ளது.