» செய்திகள் - விளையாட்டு » உலகம்
96 வருடம் பழமையான விஸ்கி மதுபாட்டில் ரூ.22 கோடிக்கு ஏலம்!
திங்கள் 20, நவம்பர் 2023 8:05:01 PM (IST)
பழமையான விஸ்கி மதுபாட்டில் ஒன்று பெருந்தொகைக்கு ஏலம் எடுக்கப்பட்டு புதிய சாதனை படைத்துள்ளது.
உலகப் புகழ்பெற்ற விஸ்கி தயாரிப்பு நிறுவனமான மக்கலன் அகாடமி 1926 காலத்தில் தயாரித்த 40 விஸ்கி பாட்டில்களை பாதுகாப்பாக சேமித்து வைத்திருந்தது. அவற்றில் சில மது பாட்டில்கள் அவ்வப்போது ஏலத்தில் விற்கப்பட்டன. மீதம் இருந்த விஸ்கி பாட்டில்கள் இங்கிலாந்தில் காட்சிக்கு வைக்கப்பட்டன. அதில் ஒரு விஸ்கி பாட்டிலை ஏலம் விடுவதாக அறிவித்தனர்.
நேற்று முன்தினம் நடந்த ஏலத்தில் அந்த மது பாட்டில் 2.7 மில்லியன் டாலர் தொகைக்கு விற்பனையாகி அனைவரையும் வியப்பில் ஆழ்த்தியது. இதன் இந்திய மதிப்பு சுமார் ரூ.22.48 கோடி ஆகும். இது மதுபான ஏலத்தில் ஒரு மைல்கல் சாதனை. இந்த மது பாட்டில் பற்றிய தகவல்கள் சமூக வலைத்தளத்திலும் வைரலாக பரவி வருகின்றன.