ஆமதாபாத் விமான விபத்தில் விதிமீறல் கண்டுபிடிப்பு: ஏா் இந்தியா அதிகாரிகள் 3 பேர் பணிநீக்கம்!

» செய்திகள் - விளையாட்டு » இந்தியா

ஆமதாபாத் விமான விபத்தில் விதிமீறல் கண்டுபிடிப்பு: ஏா் இந்தியா அதிகாரிகள் 3 பேர் பணிநீக்கம்!

ஞாயிறு 22, ஜூன் 2025 11:47:26 AM (IST)

ஆமதாபாத் விமான விபத்தில் விதிமீறல் கண்டுபிடிக்கப்பட்டதை தொடர்ந்து சிவில் விமான போக்குவரத்து இயக்குனரக உத்தரவின் அடிப்படையில் 3 அதிகாரிகளை ‘ஏர் இந்தியா’ நிறுவனம் பணிநீக்கம் செய்தது.

குஜராத் மாநிலம் ஆமதாபாத்தில் இருந்து கடந்த 12-ந் தேதி லண்டன் புறப்பட்ட ‘ஏர் இந்தியா’ விமானம் புறப்பட்டுச் சென்ற சிறிது தூரத்தில் ஒரு கட்டிடத்தில் மோதி விபத்துக்குள்ளானது. இதில் அந்த விமானத்தில் இருந்த விமானி, பணியாளர்கள் உள்பட 241 பேர் பலியானார்கள். ஒரே ஒரு பயணி அதிர்ஷ்டவசமாக உயிர் தப்பினார்.

இந்த விபத்து குறித்து முழுமையாக விசாரிக்க உயர்மட்டக்குழு அமைக்கப்பட்டு உள்ளது. குழுவினர் தீவிர விசாரணை நடத்தி வருகிறார்கள். இதற்கிடையே, ஏர் இந்தியா போக்குவரத்தின் வருகைப் பதிவேடு, பணிப் பதிவேடு, செயல்பாட்டு அறிக்கை உள்ளிட்டவற்றை ஆய்வு செய்ததில் சில விதிமீறல்கள் கண்டுபிடிக்கப்பட்டன.

நிர்ணயிக்கப்பட்ட நேர வரம்பைவிட கூடுதல் நேரம் விமானிகளுக்கு பணி ஒதுக்கப்பட்டதாக தெரிய வந்துள்ளது. இது போல மேலும் சில விதி மீறல்கள் கண்டுபிடிக்கப்பட்டன. இதனைத்தொடர்ந்து அந்த விதிமீறலில் ஈடுபட்ட 3 அதிகாரிகளை பணிநீக்கம் செய்யுமாறு ஏர் இந்தியா நிறுவனத்துக்கு சிவில் விமான போக்குவரத்து இயக்குனரகம் உத்தரவு பிறப்பித்தது.

இந்த உத்தரவை ஏர் இந்தியா நிறுவனம் நேற்று உடனடியாக செயல்படுத்தியது. 3 அதிகாரிகளை பணிநீக்கம் செய்ததுடன் அந்த தகவலை சிவில் விமான போக்குவரத்து இயக்குனரகத்துக்கும் தெரிவித்து இருக்கிறது. ஏர் இந்தியா நிறுவனம் மேற்கொண்ட நடவடிக்கையில், இயக்க கட்டுப்பாட்டு மைய தலைவர் உள்பட 3 பேர் பணிநீக்கம் செய்யப்பட்டு உள்ளனர்.

மக்கள் கருத்து

ஒருவன்Jun 23, 2025 - 03:16:43 PM | Posted IP 172.7*****

இருக்கும்போதே செய்யமாட்டாங்களாம் , நாம செத்தால்தான் கண்டுபிடிப்பாங்களாம், இது தான் இந்தியாவில் சகஜம் .

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: