» செய்திகள் - விளையாட்டு » இந்தியா
வில்லேஜ் குக்கிங் தாத்தா சிகிச்சைக்கு ராகுல் உதவ மறுப்பா? சேனல் நிர்வாகி கண்டனம்!
செவ்வாய் 16, ஏப்ரல் 2024 11:55:00 AM (IST)
![](http://media.tutyonline.net/assets/2024_Part_02/villagecookingraul.jpg)
வில்லேஜ் குக்கிங் தாத்தாவின் மருத்துவத்துக்கு ராகுல் காந்து உதவ மறுத்ததாக வெளியான தகவலுக்கு யூடியூப் சேனலின் நிர்வாகி சுப்ரமணியன் கண்டனம் தெரிவித்துள்ளார்.
வில்லேஜ் குக்கிங் யூடியூப் சேனலில் வரும் பெரிய தம்பி தாத்தாவின் மருத்துவ செலவுக்கு ராகுல் காந்தியிடம் பணம் கேட்டதாகவும், அவர் உதவ மறுத்துவிட்டதாகவும் பாஜக பிரமுகர் வெளியிட்ட செய்திக்கு சேனலின் நிர்வாகி சுப்ரமணியன் கண்டனம் தெரிவித்துள்ளார்.
பிரபல குக்கிங் யூடியூப் சேனலான வில்லேஜ் குக்கிங் சேனலுக்கு 2.5 கோடிக்கும் மேல் சப்ஸ்கிரைபர்கள் உள்ளனர். புதுக்கோட்டை மாவட்டம் அறந்தாங்கி பகுதியில் இயங்கி வரும் இந்த யூடியூப் சேனலை சுப்ரமணியன், அய்யனார், முருகேசன், தமிழ்ச்செல்வன், முத்து மாணிக்கம் ஆகியோருடன் பெரியதம்பியும் நடத்தி வருகிறார்.
இவர்கள் கிராமத்துக்கு சில ஆண்டுகளுக்கு முன்பு சென்ற காங்கிரஸ் மூத்த தலைவர் ராகுல் காந்தி, இவர்களுடன் இணைந்து சமைத்த விடியோ இணையத்தில் வைரலாகியது. இதன்மூலம், இந்தியா முழுவதும் இவர்களுக்கான சப்ஸ்கிரைபர்கள் விரிவடைந்தனர்.ராகுல் காந்தியின் ஒற்றுமைக்கான நடைபயணத்திலும் வில்லேஜ் குக்கிங் சேனலின் பெரியதம்பி தாத்தா உள்ளிட்டோர் தமிழகத்தில் பங்கேற்றிருந்தனர்.
இந்த நிலையில், பெரிய தம்பி தாத்தா இதய நோய் காரணமாக கடந்த மாதம் மருத்துவமனையில் அனுமதிக்கப்பட்ட நிலையில், தற்போது குணமடைந்து வருகிறார். இதற்கிடையே பெரியதம்பி தாத்தாவின் மருத்துவ செலவுக்கு ராகுல் காந்தியிடம் யூடியூப் சேனலில் இருந்து உதவி கேட்டதாகவும், அவர் மறுத்துவிட்டதாகவும் பாஜக ஆதரவாளர் ஒருவர் எக்ஸ் தளத்தில் பதிவிட்டிருந்தார்.
இந்த நிலையில், அவதூறை மறுத்து யூடியூப் சேனலின் நிர்வாகி சுப்ரமணியன் எக்ஸ் தளத்தில் கண்டனம் தெரிவித்துள்ளார். அதில், ”இது முற்றிலும் பொய். எங்களது வளர்ச்சிக்கு உதவிய அன்பான மனிதன் ராகுல் அண்ணாவின் மீது இப்படி எங்களையே பயன்படுத்தி அவதூறு பரப்புவது மிகுந்த மன வருத்தத்தை தருகிறது. இப்படி பொய் செய்திகளை பரப்புபவர்களது கட்சி தலைமை இதனை கட்டுப்படுத்த வேண்டுகிறோம்.” எனத் தெரிவித்துள்ளார். இவரின் கண்டனத்தை தொடர்ந்து, பாஜக ஆதரவாளர் தனது பதிவை நீக்கம் செய்தது மேலும் விமர்சனத்தை ஏற்படுத்தியுள்ளது.
மக்கள் கருத்து
மேலும் தொடரும் செய்திகள்
![](/npic_s/cee1f86a3b75f70e97b71ad01e821a80/tnpb/small/ukrainemodi_1722080408.jpg)
பிரதமர் மோடி ஆக.23ல் உக்ரைன் பயணம்: போர் முடிவுக்கு வருமா?
சனி 27, ஜூலை 2024 5:09:07 PM (IST)
![](/npic_s/cee1f86a3b75f70e97b71ad01e821a80/tnpb/small/nirmalamamtha_1722077047.jpg)
நிதி ஆயோக் கூட்டத்தில் மம்தா பேசியபோது மைக் அணைப்பு?- நிர்மலா சீதாராமன் மறுப்பு!
சனி 27, ஜூலை 2024 4:13:11 PM (IST)
![](/npic_s/cee1f86a3b75f70e97b71ad01e821a80/tnpb/small/nitish-kumar_1_1722077142.jpg)
நீதி ஆயோக் கூட்டத்தைப் புறக்கணித்த நிதீஷ் குமார்!
சனி 27, ஜூலை 2024 12:47:11 PM (IST)
![](/npic_s/cee1f86a3b75f70e97b71ad01e821a80/tnpb/small/murde34i4i_1722060930.jpg)
பெங்களூருவில் விடுதிக்குள் நுழைந்து இளம்பெண் குத்திக் கொலை - வாலிபர் கைது!
சனி 27, ஜூலை 2024 11:45:32 AM (IST)
![](/npic_s/cee1f86a3b75f70e97b71ad01e821a80/tnpb/small/kargilwarmemoral_1721988998.jpg)
கார்கில் போர் 25வது ஆண்டு நினைவு தினம் : பிரதமர் மோடி அஞ்சலி!
வெள்ளி 26, ஜூலை 2024 3:45:09 PM (IST)
![](/npic_s/cee1f86a3b75f70e97b71ad01e821a80/tnpb/small/mullaiperiyaru123_1721973228.jpg)
முல்லைப்பெரியாற்றின் குறுக்கே புதிய அணை கட்டும் திட்டம் இல்லை: அமைச்சர் தகவல்!
வெள்ளி 26, ஜூலை 2024 11:22:45 AM (IST)
![](/npic_s/cee1f86a3b75f70e97b71ad01e821a80/tnpb/small/mamatha_1721909733.jpg)
பிஜெபிApr 16, 2024 - 01:22:50 PM | Posted IP 172.7*****