மேற்கு வங்கத்தில் 42 தொகுதிகளுக்கான வேட்பாளர்களை அறிவித்த மம்தா!

» செய்திகள் - விளையாட்டு » இந்தியா

மேற்கு வங்கத்தில் 42 தொகுதிகளுக்கான வேட்பாளர்களை அறிவித்த மம்தா!

திங்கள் 11, மார்ச் 2024 11:02:14 AM (IST)

மக்களவைத் தேர்தலில் மேற்கு வங்கத்தில் 42 தொகுதிகளுக்கான திரிணமுல் காங்கிரஸ் வேட்பாளர்களை மம்தா பானர்ஜி அறிவித்துள்ளார்.

மக்களவைத் தேர்தலில் மேற்கு வங்கத்தில் அதிக தொகுதிகளை காங்கிரஸ் கேட்டதால், திரிணமுல் காங்கிரஸ் உடன் கூட்டணி பேச்சு உடன்பாட்டை எட்டவில்லை. தொகுதிப் பங்கீட்டை பேசித் தீர்த்துக் கொள்ள உள்ளதாக காங்., தெரிவித்தது. ஆனால், இதை ஏற்க மறுத்து தனித்துப் போட்டியிட உள்ளதாக திரிணமுல் காங்கிரஸ் தெரிவித்தது.

இந்நிலையில், கொல்கத்தாவில் இன்று நடந்த பேரணியில் 42 தொகுதிகளுக்கான வேட்பாளர்களையும் ஒரே மேடையில் மம்தா பானர்ஜி அறிமுகப்படுத்தினார். அதில், சிட்டிங் எம்.பி.,க்கள் 16 பேருக்கு மீண்டும் போட்டியிட வாய்ப்பு வழங்கப்பட்டுள்ளது. இந்தமுறை வேட்பாளர் பட்டியலில் 12 பெண்கள் இடம்பெற்றுள்ளனர்.

இதில், முன்னாள் எம்.பி., மஹூவா மொய்த்ரா, முன்னாள் கிரிக்கெட் வீரர் யூசுப் பதான் ஆகியோருக்கு வாய்ப்பு வழங்கப்பட்டுள்ளது. பார்லிமென்ட்டில் கேள்வி எழுப்ப பணம் பெற்றதாக கூறப்பட்ட குற்றச்சாட்டின் அடிப்படையில் மஹூவா, தகுதிநீக்கம் செய்யப்பட்டார். இவருக்கு மீண்டும் திரிணாமுல் காங்கிரஸ் வாய்ப்பு வழங்கியுள்ளது.

அடுத்து, முன்னாள் கிரிக்கெட் வீரர் யூசுப் பதானும் களமிறங்குகிறார். இவர், பஹ்ராம்பூர் தொகுதியில் போட்டியிட இருக்கிறார். இதே தொகுதியின் சிட்டிங் எம்.பி.,யாக காங்கிரசின் ஆதிர் ரஞ்சன் சவுத்ரி இருக்கிறார். இவரை எதிர்த்து யூசுப் பதான் போட்டியிடலாம் என கூறப்படுகிறது.

அதேபோல், பர்தமான்-துர்க்காபூர் தொகுதியில் முன்னாள் கிரிக்கெட் வீரர் கீர்த்தி ஆசாத் போட்டியிட உள்ளார். அசன் சால் தொகுதியில் சத்ருகன் சின்கா போட்டியிட இருக்கிறார். மம்தா பானர்ஜியின் உறவினரான அபிஷேக் பானர்ஜி போட்டியிடவும் வாய்ப்பு வழங்கப்பட்டுள்ளது. இவர், டைமண்ட் ஹார்பர் தொகுதியில் போட்டியிட உள்ளார்.

பேரணியின் போது மம்தா பானர்ஜி பேசுகையில், "மேற்குவங்கத்தில் தனித்துப் போட்டியிடுகிறோம். அசாம், மேகாலயாவிலும் தனித்துப் போட்டியிடுகிறோம். உத்தரப்பிரதேசத்தில் அகிலேஷ் யாதவுடன் பேசி வருகிறோம். விரைவில் இதுகுறித்து தெரிவிப்போம்" என்றார்.

மக்கள் கருத்து

இதுMar 14, 2024 - 06:41:20 AM | Posted IP 162.1*****

நம்ம ஊரு தத்தி சொடலை கூட்டாளி தான் அந்த பொம்பிளை

OOPSMar 13, 2024 - 11:22:10 AM | Posted IP 162.1*****

Lady Rascal

இந்தியன்Mar 11, 2024 - 07:58:30 PM | Posted IP 162.1*****

மேற்கு வங்களம் தீவிரவாதிகள் நாடாக மாறி வருகிறது

ஆனந்த்Mar 11, 2024 - 03:49:44 PM | Posted IP 172.7*****

திமிர் பிடித்தவர்

சந்திரன்Mar 11, 2024 - 11:43:45 AM | Posted IP 172.7*****

இவரை நம்பி இந்தியா கூட்டணி வளருமா வெல்லுமா அனுசரித்து போக தெரியாதவர்

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேற்கு வங்கத்தில் 42 தொகுதிகளுக்கான வேட்பாளர்களை அறிவித்த மம்தா!

» செய்திகள் - விளையாட்டு » இந்தியா