» சினிமா » செய்திகள்

நடிகை மீனாவின் கணவர் வித்யாசாகர் மரணம்!!

புதன் 29, ஜூன் 2022 8:30:33 AM (IST)

பிரபல தமிழ் திரைப்பட நடிகை மீனாவின் கணவர் வித்யாசாகர் உடல்நலக்குறைவால் காலமானார். அவருக்கு வயது 48. 

தமிழ் சினிமாவில் குழந்தை நட்சத்திரமாக அறிமுகமாகி பின் நாட்களில் முன்னணி நடிகையாக வலம் வந்தவர் மீனா. இவர் கடந்த 2009ம் ஆண்டு பெங்களூருவைச் சேர்ந்த வித்யாசாகர் என்பவரை திருமணம் செய்து கொண்டார். இவருக்கு நைனிகா என்ற மகள் இருக்கிறார். சென்னை கோட்டுர்புரத்தில் குடும்பத்துடன் வசித்து வந்த வித்யாசாகருக்கு கடந்த 2 மாதங்களுக்கு முன்பு கொரோனா தொற்று ஏற்பட்டது.

தொற்றில் இருந்து மீண்டு வந்தாலும் பிந்தைய மருத்துவ பிரச்சனைகளால் பாதிக்கப்பட்ட வித்யாசாகர் தொடர்ந்து சிகிச்சை பெற்று வந்தார். இந்த நிலையில் நுரையீரலில் ஏற்பட்ட தொற்றுக்கு அமைந்தகரை பகுதியில் உள்ள தனியார் மருத்துவமனையில் சிகிச்சை பெற்று வந்த இவர், நேற்று இரவு சிகிச்சை பலனின்றி மரணம் அடைந்தார். 

நடிகை மீனாவின் கணவர் மரணம் திரைத்துறையினர் இடையே சோகத்தை ஏற்படுத்தியுள்ளது. சினிமா நட்சத்திரங்கள் பலரும் மீனாவுக்கு ஆறுதல் தெரிவித்து வருகின்றனர். வித்யாசாகரின் உடல் இன்று கோட்டூர்புரத்தில் உள்ள அவரது இல்லத்தில் பொதுமக்கள் அஞ்சலிக்கு வைக்கப்படும் என தெரிவிக்கப்பட்டுள்ளது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்


Sponsored Ads




Thoothukudi Business Directory