» சினிமா » செய்திகள்
வடிவேலு - பிரபுதேவா சந்திப்பு: வைரலாகும் வீடியோ
திங்கள் 18, ஏப்ரல் 2022 11:36:57 AM (IST)
"சிங் இன் த ரெயின்" பாடலைப் பாடி, பிரபுதேவாவை வடிவேலு கட்டிப் பிடித்து மகிழ்ந்துள்ள வீடியோ சமூக வலைதளங்களில் வைரலாக பரவி வருகிறது.
வடிவேலு காமெடி நடிகராக நடித்துள்ள படங்களில் இடம்பெற்றுள்ள நகைச்சுவை காட்சி கள் இன்றளவும் சமூக வலைதளங்களில் கொட்டிக் கிடக்கிறது. அந்த வகையில் . பிரபுதேவா, வடிவேலு நடித்த மனதைத் திருடி விட்டாய் படத்தில் இடம்பெற்றுள்ள காட்சியை வடிவேலு - பிரபுதேவா இருவரும் நினைவுகூர்ந்துள்ளனர்.
மனதை திருடிவிட்டாய் வணிகரீதியாக தோல்விப்படம் என்றாலும் அந்தப்படத்தில் இடம் பெற்ற நகைச்சுவைக் காட்சி ஒன்று தொலைக்காட்சிகளில் அடிக்கடி ஒளிபரப்பாகும். இப்போது கூட அந்தக் காட்சிகளைப் பார்ப்பவர்களால் சிரிக்காமல் இருக்க முடியாது. வடிவேலு, சிங் இன் த ரெயின், ஐ வான்ட் சிங் இன் த ரெயின் என்று ஹோட்டல் ஒன்றில் பாடி நடிக்கும் காட்சியை யாராலும் மறக்க முடியாது.
பிரபுதேவா, வடிவேலு, விவேக் மூவரும் இந்தக் காட்சியில் இடம்பெற்றிருப்பார்கள் 1994ஆம் ஆண்டு வெளியான காதலன் படத்தில் முதல் முறையாக இணைந்த பிரபுதேவா- வடிவேலு கூட்டணி பலபடங்களில் இணைந்து நடித்துள்ளார்கள். பிரபுதேவா, வடிவேலு தற்போது சந்தித்த வீடியோ ஒன்றை பிரபுதேவா பகிர்ந்துள்ளார். அதில் வடிவேலு அந்த சிங் இன் த ரெயின் பாடலைப் பாடி, பிரபுதேவாவைக் கட்டிப் பிடித்து மகிழ்ந்துள்ளார். நட்பு என ஒரே ஒரு வார்த்தையில் அந்த சந்திப்பு பற்றி பதிவிட்டுள்ளார் பிரபுதேவா.