» சினிமா » செய்திகள்
முதலமைச்சர் முக ஸ்டாலினை சந்தித்த நடிகர் அர்ஜுன்!
செவ்வாய் 29, ஜூன் 2021 5:32:37 PM (IST)
தமிழக முதல்வர் முக ஸ்டாலினை, பிரபல நடிகர் அர்ஜுன் நேரில் சந்தித்ததற்கான காரணம் தற்போது வெளியாகி உள்ளது.
தமிழக முதல்வராக முக ஸ்டாலின் பதவியேற்ற பின்னர் அவரை மரியாதை நிமித்தமாக பலர் சந்தித்து வருகின்றனர். இந்த நிலையில் நடிகர் அர்ஜுன், முதல்வர் முக ஸ்டாலின் நேற்று சந்தித்தார். அப்போது முதல்வரின் மனைவி துர்க்கா ஸ்டாலின் உடனிருந்தார். இந்த சந்திப்பு மரியாதை நிமித்த சந்திப்பு என்று கூறப்பட்டது. ஆனால், நடிகர் அர்ஜுன் கோவில் ஒன்றை கட்டி இருப்பதாகவும், அந்த கோவிலின் கும்பாபிஷேகத்திற்கு முதல்வர் முக ஸ்டாலினை அழைக்க வந்ததாகவும் தகவல்கள் வெளியாகி உள்ளது. மேலும் முதல்வர் - அர்ஜூன் சந்திப்பு தொடர்பான புகைப்படங்கள் வைரலாகி வருகிறது.