விஜய் நடிக்கும் பீஸ்ட் படத்தின் போஸ்டர்கள் வெளியீடு

நெல்சன் இயக்கத்தில் விஜய் நடிக்கும் பீஸ்ட் படத்தின் பர்ஸட் லுக் மற்றும் செகண்ட் லுக் போஸ்டரை படக்குழு வெளியிட்டுள்ளது.

மாஸ்டர் படத்தின் வெற்றியைத் தொடர்ந்து நெல்சன் இயக்கத்தில் விஜய், பூஜா ஹெக்டே நடித்து வரும் தளபதி 65 படத்தின் முதற்கட்டப் படப்பிடிப்பு ஜார்ஜியாவில் நடந்து முடிந்தது. சன் பிக்சர்ஸ் நிறுவனம் தயாரித்து வரும் இந்தப் படத்துக்கு அனிருத் இசையமைப்பாளராகப் பணிபுரிந்து வருகிறார். பிரமாண்ட பொருட்செலவில் உருவாகி வரும் தளபதி 65 படத்தில் யோகி பாபு, ஷைன் சாக்கோ, விடிவி கணேஷ், அபர்ணா தாஸ் உள்ளிட்டோர் முக்கிய கதாபாத்திரங்களில் நடித்து வருகின்றனர்.

இன்று விஜய் தனது 47-வது பிறந்தநாளை கொண்டாடுகி்றார். இதனை முன்னிட்டு அவர் நடித்து வரும் தளபதி 65 படத்தின் பர்ஸ்ட் லுக் போஸ்டரை படக்குழுவினர் நேற்று மாலை 6 மணிக்கு வெளியிட்டனர். "பீஸ்ட்” என இந்த திரைப்படத்திற்கு பெயரிடப்பட்டுள்ளது. சமூக வலைத்தளங்களில் விஜயின் "பீஸ்ட்” படம் குறித்த அப்டேட்கள் டிரெண்டிங்கில் இருந்து வருகின்றன.  பர்ஸ்ட் லுக் போஸ்டர் படத்தின் மீது எதிர்பார்ப்பை ஏற்படுத்தியுள்ள நிலையில், ரசிகர்களுக்கு இன்ப அதிர்ச்சி கொடுக்கும் விதமாக செகண்ட் லுக் போஸ்டரை நள்ளிரவு 12 மணிக்கு படக்குழுவினர் வெளியிட்டனர். இதனை ரசிகர்கள் சமுக வலைதளங்களில் டிரண்ட் செய்து வருகின்றனர்.