» செய்திகள் - விளையாட்டு » விளையாட்டு

டி20 உலகக் கோப்பை கிரிக்கெட்: அரை இறுதிக்கு முன்னேறுமா இந்தியா!

திங்கள் 24, ஜூன் 2024 11:03:12 AM (IST)



சூப்பர் -8 சுற்றில் குரூப் 1 பிரிவில் இந்தியா, ஆஸ்திரேலியா, ஆப்கானிஸ்தான், வங்கதேசம் ஆகிய அணிகள் உள்ளன. இதில் முதல் 2 இடங்களைப் பெறும் அணிகள் அரை இறுதிக்குச் செல்லும்.

தற்போது இந்திய அணி 2 ஆட்டங்களில் விளையாடி இரண்டிலும் வெற்றி பெற்று 4 புள்ளிகளுடன் முதலிடத்தில் உள்ளது. இந்திய அணியின் நிகர ரன் விகிதம் 2.425-ஆக உள்ளது. அதே நேரத்தில் ஆஸ்திரேலிய அணி 2 போட்டிகளில் விளையாடி ஒரு வெற்றி, ஒரு தோல்வியுடன் 2 புள்ளிகளைப் பெற்று 3-வதுஇடத்தில் உள்ளது. 

அந்த அணியின் நிகர ரன் விகிதம் 0.223-ஆகஉள்ளது. அதேபோல் ஆப்கானிஸ்தான் அணியும் 2 போட்டிகளில விளையாடி ஒரு வெற்றி, ஒரு தோல்வியுடன் 2 புள்ளிகளுடன் 3-வது இடத்தில் உள்ளது. அந்த அணியின் நிகர ரன் விகிதம் -0.650-ஆக உள்ளது. வங்கதேச அணி தான் விளையாடிய 2 போட்டிகளிலும் தோல்வி கண்டு கடைசி இடத்தில் உள்ளது.

இந்நிலையில் இன்று நடைபெறும் ஆஸ்திரேலியாவுக்கு எதிரான போட்டியில் இந்தியா வெற்றி பெற்றால் எளிதில் அரை இறுதிக்கு முன்னேறிவிடும். ஒருவேளை இந்தியா தோல்வி கண்டால் ஆஸ்திரேலியா, இந்தியா தலா 4 புள்ளிகளைப் பெற்றிருக்கும். இதைத் தொடர்ந்து நாளை ஆப்கானிஸ்தான், வங்கதேச அணிகள் மோதவுள்ளன. 

இந்த ஆட்டத்தில் ஆப்கானிஸ்தான் வெற்றி பெறும் பட்சத்தில் அந்த அணி 4 புள்ளிகளைப் பெறும். அப்போது இந்தியா, ஆஸ்திரேலியா, ஆப்கானிஸ்தான் ஆகிய 3 அணிகளும் தலா 4 புள்ளிகளுடன் இருக்கும். இதில் நிகர ரன் விகிதம் அதிகமாக பெற்று முதல் 2 இடங்களில் உள்ள அணிகள் அரை இறுதிக்குச் செல்லும். ஒருவேளை வங்கதேசத்துடனான ஆட்டத்தில் ஆப்கானிஸ்தான் தோல்வி அடையும் பட்சத்தில் இந்தியா, ஆஸ்திரேலியா அரை இறுதிக்கு எளிதாகச் செல்லும்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Arputham Hospital







Thoothukudi Business Directory