தூத்துக்குடியில் புதுப்பிக்கப்பட்ட ஜாமியா பள்ளிவாசல் திறப்பு: ஏராளமான இஸ்லாமியர்கள் பங்கேற்பு

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் புதுப்பிக்கப்பட்ட ஜாமியா பள்ளிவாசல் திறப்பு: ஏராளமான இஸ்லாமியர்கள் பங்கேற்பு

வியாழன் 19, பிப்ரவரி 2026 12:53:52 PM (IST)

தூத்துக்குடியில் அமைந்துள்ள மிகவும் பழமை வாய்ந்த மற்றும் பாரம்பரியமிக்க ஜாமியா பள்ளிவாசல், வெளிநாடுகளில் உள்ள பள்ளிவாசல்களுக்கு இணையான கலைநயத்துடன் புதுப்பிக்கப்பட்டு நேற்று (புதன்கிழமை) மாலை வெகு சிறப்பாகத் திறந்து வைக்கப்பட்டது.

தூத்துக்குடியில் அமைந்துள்ள மிகவும் பழமை வாய்ந்த மற்றும் பாரம்பரியமிக்க ஜாமியா பள்ளிவாசலை நவீன வசதிகளுடன் புதுப்பிக்க அதன் ஜமாத்தார்கள் எடுத்த முடிவின்படி, 'மராமத் பணிக்குழு' அமைக்கப்பட்டது. இஸ்லாமிய பெருமக்களின் தாராளமான நன்கொடைகள் மற்றும் அந்தப் பணிக்குழுவின் ஆலோசனையின் அடிப்படையில், இப்பள்ளிவாசல் மிகப்பிரம்மாண்டமாகப் புதுப்பிக்கப்பட்டது.

பள்ளிவாசல் தலைமை இமாம் அப்துல் அழிம் தலைமையில் நடைபெற்ற திறப்பு விழாவில் இமாம் சதக்கத்துல்லா அனைவரையும் வரவேற்றுப் பேசினார். தலைமை இமாம் அப்துல் கலாம் சதக்கப்பல் துவா ஓத, பள்ளிவாசல் முன்னாள் தலைவர் மீராசா மற்றும் மன்பவுஸ்லாஹ் அரபிக் கல்லூரி முதல்வர் இம்தாதுல்லாஹ் ஆகியோர் புதுப்பிக்கப்பட்ட மிம்பர் மிஹ்ராவினை முறைப்படி திறந்து வைத்தனர்.

இதனைத் தொடர்ந்து சிறப்புத் தொழுகை மற்றும் மோதிய முகமது பைஜான் அவர்களின் கிராத் பாராயணம் நடைபெற்றது. மிம்பர் மிஹ்ராவினைச் சிறப்பாக வடிவமைத்த கட்டிடக் கலைஞர்களுக்கு, பானு பிரிண்டர்ஸ் உரிமையாளர் காஜி மைதீன் அப்துல் காதர் (எ) கனி அவர்கள் பரிசு வழங்கிப் பாராட்டினார்.

நெல்லை வக்ஃப் வாரிய அலுவலக சூப்பிரண்டு காலித், காஜிகள் மற்றும் ஜமாத் முக்கியஸ்தர்களான முகமது ரஃபீக், நஜ்முத்தீன், முகமது உவைஸ், முகமது சலீம் உள்ளிட்ட பலர் முன்னிலை வகித்தனர். இந்நிகழ்வில் பேராசிரியர்கள், பல்வேறு பள்ளிவாசல்களின் இமாம்கள், ஜாமியா பள்ளிவாசல் ஜமாத்தார்கள் மற்றும் தூத்துக்குடி சுற்றுவட்டாரத்தைச் சேர்ந்த ஏராளமான இஸ்லாமியப் பெருமக்கள் கலந்து கொண்டனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: