சூறாவளிக் காற்றில் சாலையில் மரம் விழுந்து : போக்குவரத்து பாதிப்பு

தூத்துக்குடி மாவட்டம்,ஆறுமுகனேரி, ஆத்தூர் பகுதிகளில் நேற்று சூறாவளிக் காற்று வீசியது. இதில், ஆத்தூர் அருகே நரசன்விளையில் அரசமரம் வேருடன் சாய்ந்து தூத்துக்குடி-திருச்செந்தூர் நெடுஞ்சாலையின் குறுக்கே விழுந்தது. இதனால், ஒரு மணி நேரத்துக்கு மேல் போக்குவரத்து பாதிக்கப்பட்டது.

தூத்துக்குடியிலிருந்து வந்த வாகனங்கள் முக்காணி ரவுண்டானா வழியாக ஏரல், குரும்பூர், நல்லூர், ஆறுமுகனேரிக்கு வந்தன. ஆறுமுகனேரியிலிருந்து சென்ற வாகனங்கள் நல்லூர், குரும்பூர், ஏரல் வழியாக முக்காணி ரவுண்டானா வந்து சென்றன. விடுமுறை நாள் என்பதால், திருச்செந்தூருக்கு தூத்துக்குடி வழியாக வாகனங்களில் வந்தோர் மாற்றுவழி காரணமாக அவதிக்குள்ளாகினர். அதிகாரிகள் வந்து ஒரு மணி நேரத்தில் மரத்தை அப்புறப்படுத்தியதையடுத்து, போக்குவரத்து சீரானது.