செடிகளுக்கு பூச்சிமருந்து அடித்தபோது மயங்கி விழுந்து விவசாயி உயிரிழப்பு

நாலாட்டின்புதூர் அருகே செடிகளுக்கு பூச்சிமருந்து அடித்தபோது மூச்சுத்தினறல் ஏற்பட்டு விவசாயி மயங்கி விழுந்து உயிரிழந்தார். 

தூத்துக்குடி மாவட்டம், நாலாட்டின்புதூர் அருகேயுள்ள சிதம்பரம்பட்டி கிராமம், கீழத் தெருவை சேர்ந்தவர் பொன்னையா மகன் வெள்ளத்துரை (68). விவசாயியான இவர் தனக்கு சொந்தமான தோட்டத்தில் ரோஜாபூ, மல்லிகை பூ செடிகள் பயிரிட்டுள்ளார். நேற்று செடிகளுக்கு பூச்சிமருந்து அடித்துக் கொண்டிருந்தபோது திடீரென அவருக்கு மூச்சுத்தினறல் ஏற்பட்டுள்ளது. இதையடுத்து கோவில்பட்டி அரசு மருத்துவமனையில் அனுமதிக்கப்பட்ட அவர் சிகிச்சை பலனின்றி உயிரிழந்தார். இந்த சம்பவம் குறித்து நாலாட்டின்புதூர் போலீஸ் இன்ஸ்பெக்டர் ராணி வழக்குப்பதிவு செய்து விசாரணை நடத்திவருகிறார்.