» செய்திகள் - விளையாட்டு » மாவட்ட செய்தி (தூத்துக்குடி)
பைக் விபத்தில் வாலிபர் பலி - நண்பர் படுகாயம்!
ஞாயிறு 16, ஜனவரி 2022 10:41:58 AM (IST)
சூரங்குடி அருகே பைக் நிலைதடுமாறி விபத்துக்குள்ளானதில் வாலிபர் பரிதாபமாக இறந்தார். அவரது நண்பர் படுகாயமடைந்தார்.
இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், ஓட்டப்பிடாரம் அருகேயுள்ள முள்ளூர் கிராமத்தை சேர்ந்தவர் திருப்பதி மகன் ராமசாமி (23). ஆறுமுகம் மகன் மாரிச்செல்வம் (23). இவர்கள் இருவரும் நண்பர்கள். நேற்று மேல்மாந்தை கிராமத்தில் உள்ள கோவிலுக்கு ஒரே பைக்கில் சென்று கொண்டிருந்தனர்.
அப்போது சாலையில் இருந்த வேகத்தடையை கடந்த போது நிலை தடுமாறி பைக் விபத்துக்குள்ளானது. இதில் ராமசாமி தலையில் பலத்த காயம் ஏற்பட்டு, அதே இடத்தில் அவர் பரிதாபமாக இறந்தார். மாரிச் செல்வம் படுகாயத்துடன் விளாத்திகுளம் அரசு மருத்துவமனையில் அனுமதிக்கப்பட்டார். இது சம்பந்தமாக சூரங்குடி போலீஸ் இன்ஸ்பெக்டர் இளவரசன் வழக்குப்பதிவு செய்து விசாரணை நடத்தி வருகிறார்.