தூத்துக்குடி மாவட்டத்தில் சாலை விபத்துக்களில் 3பேர் பலி

தூத்துக்குடி மாவட்டத்தில் வெவ்வேறு பகுதிகளில் நிகழ்ந்த சாலை விபத்துகளில் 3பேர் உயிரிழந்தனர். 

தூத்துக்குடி தாமோதரன் நகரைச் சேர்ந்தவர் அருணாசலம் மகன் பெரியசாமி (58). கூலித் தொழிலாளி. இவர் கடந்த 24ம் தேதி மோட்டார் பைக்கில் திருச்செந்தூர் ரோடு மேம்பாலத்தில் சென்றபோது நிலைதடுமாறு கீழே விழுந்தார். இதில் பலத்தகாயம் அடைந்த அவர் தூத்துக்குடி அரசு மருத்துவமனையில் அனுமதிக்கப்பட்டார். அங்கு சிகிச்சை பலனின்றி நேற்று இறந்தார். இதுகுறித்து தென்பாகம் போலீஸ் இன்ஸ்பெக்டர் ஆனந்தராஜன் வழக்குப் பதிந்து விசாரணை நடத்தி வருகிறார்.

தூத்துக்குடி மாவட்டம், எட்டயபுரம் அருகேயுள்ள வடக்கு செமப்புதூர் கிராமத்தைச் சேர்ந்தவர் உடையார் (43). இவர் நேற்று அதே பகுதியைச் சேர்ந்த   குருசாமி மகன் காளிராஜ் (23) என்பவருடன் பைக்கில் சென்றபோது, எட்டயபுரம் அருகே கசவன்குன்று என்ற பகுதியில் சாலையில் இருந்த வேகத்தடையை கடக்க முயன்றபோது, பைக்கிலிருந்து தவறி விழுந்தார். இதில் பலத்த காயம் அடைந்த உடையார் சம்பவ இடத்திலேயே உயிரிழந்தார். இதுகுறித்து எட்டயபுரம் போலீசார் வழக்குப்பதிந்து விசாரணை நடத்தி வருகிறார்.