» செய்திகள் - விளையாட்டு » மாவட்ட செய்தி (தூத்துக்குடி)

இரட்டை கொலை வழக்கில் கைதான 9 போலீசாரும் நீதிமன்றத்தில் ஆஜர்: விடுவிக்கக்கோரி எஸ்ஐ மனு

செவ்வாய் 23, பிப்ரவரி 2021 8:29:16 AM (IST)

சாத்தான்குளம் இரட்டை கொலை வழக்கில் கைதான 9 போலீசாரும் நேற்று மதுரை நீதிமன்றத்தில் ஆஜர்படுத்தப்பட்டனர்.

தூத்துக்குடி மாவட்டம் சாத்தான்குளத்தை சேர்ந்த வியாபாரி ஜெயராஜ், அவருடைய மகன் பென்னிக்ஸ் ஆகியோர் கடந்த ஆண்டு ஜூன் மாதம் போலீஸ் விசாரணைக்கு அழைத்து செல்லப்பட்டனர். அங்கு போலீசார் தாக்கியதில் படுகாயம் அடைந்த இருவரும் இறந்தனர். இதையடுத்து சாத்தான்குளம் போலீஸ் இன்ஸ்பெக்டர் ஸ்ரீதர், சப்-இன்ஸ்பெக்டர்கள் ரகுகணேஷ், பாலகிருஷ்ணன், போலீஸ்காரர்கள் முத்துராஜ், முருகன், தாமஸ்பிரான்சிஸ் உள்பட 10 போலீசார் மீது கொலை வழக்குபதிவு செய்யப்பட்டு உள்ளது. 

இந்த வழக்கை சி.பி.ஐ. போலீசார் விசாரித்து வருகின்றனர். வழக்கில் தொடர்புடைய போலீசார் 10 பேரும் கைதாகி, மதுரை மத்திய சிறையில் அடைக்கப்பட்டு இருந்தனர். இவர்களில் சிறப்பு சப்-இன்ஸ்பெக்டர் பால்துரை கொரோனா காரணமாக இறந்துவிட்டார். மீதம் உள்ள 9 பேரும் சிறையில் உள்ளனர். இவர்கள் தங்களுக்கு ஜாமீன் கேட்டு பலமுறை மனு தாக்கல் செய்தும், அவற்றை கோர்ட்டு தள்ளுபடி செய்தது. இந்த இரட்டைக்கொலை வழக்கு மதுரை மாவட்ட முதலாவது கூடுதல் செசன்சு நீதிமன்றத்தில் விசாரிக்கப்பட்டு வருகிறது. 

இந்த வழக்கு நீதிபதி தாண்டவன் முன்பு நேற்று விசாரணைக்கு வந்தது. அப்போது இந்த வழக்கில் சிறையில் உள்ள 9 போலீசாரும் ஆஜர்படுத்தப்பட்டு, விசாரணை நடந்தது. பின்னர் இந்த வழக்கை வருகிற 1-ந்தேதிக்கு நீதிபதி ஒத்திவைத்தார். இதற்கிடையே இந்த வழக்கில் கைதான போலீஸ் சப்-இன்ஸ்பெக்டர் ரகுகணேஷ், தன்னை இந்த வழக்கில் இருந்து விடுவிக்கக்கோரி மனு தாக்கல் செய்து உள்ளார். இந்த மனுவும் மார்ச் 1-ந்தேதி விசாரணைக்கு வரும் என எதிர்பார்க்கப்படுகிறது.


மக்கள் கருத்து

THE TRUTHFeb 23, 2021 - 10:47:06 AM | Posted IP 162.1*****

அப்பாவி மக்களை கொலை செய்தவர்கள், பொய் சொல்பவர்கள் யாராக இருந்தாலும் குற்றவாளி குற்றவாளிதான்... விடுவிக்கக் கூடாது சாகும் வரை ஜெயிலில் மடியட்டும் ...

M.sundaramFeb 23, 2021 - 09:57:48 AM | Posted IP 108.1*****

Such application must be rejected at the initial stage itself. By accepting such application, the precious time of the honourable court is wasted . Such inhuman law enforcing officials must be punished without any loss of time.

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Thalir Products

Nalam Pasumaiyagam

Black Forest Cakes






Thoothukudi Business Directory