» செய்திகள் - விளையாட்டு » அரசியல்

இபிஎஸ் - ஓபிஎஸ்சிடம் ஏமாற வேண்டாம் மக்களே; விரைவில் மாற்றம் வரும். விஜயகாந்த் பேச்சு

திங்கள் 11, செப்டம்பர் 2017 10:37:48 AM (IST)

எடப்பாடி பழனிசாமி மற்றும் ஓ.பன்னீர்செல்வத்திடம் ஏமாந்து விடாதீர்கள். தமிழகத்தில் விரைவில் மாற்றம் வரும் என்று தேமுதிக தலைவர் விஜயகாந்த் கூறினார்.

திருப்பரங்குன்றத்தில் தே.மு.தி.க. நிர்வாகி இல்ல திருமணத்தை கட்சி நிறுவன தலைவர் விஜயகாந்த் தனது மனைவி பிரேமலதாவுடன் கலந்து கொண்டு நடத்தி வைத்தார். மணமக்களை வாழ்த்தி பேசுகையில் விஜயகாந்த் கூறியதாவது: அ.தி.மு.க., தி.மு.க. ஆகிய 2 கட்சிகளுமே தமிழக மக்களை வஞ்சிக்கிறது. 

அவர்கள் தேர்தல் நேரத்தில் ரூ.5 ஆயிரம், ரூ.10 ஆயிரம் கொடுத்து ஓட்டு வாங்கி விடலாம் என்று நினைக்கிறார்கள். பணம் கொடுத்து ஓட்டு வாங்கி விடலாம் என்று நினைக்கும் எடப்பாடி பழனிசாமி மற்றும் ஓ.பன்னீர்செல்வத்திடம் ஏமாந்து விடாதீர்கள். தமிழகத்தில் விரைவில் மாற்றம் வரும். அந்த மாற்றம் தே.மு.தி.க.ஆட்சி அமைவதாக இருக்கும் என்றார்..

விழாவில் விஜயகாந்த் மனைவி பிரேமலதா பேசியதாவது: அ.தி.மு.க., தி.மு.க. என்ற ஊழல் கட்சிகளுக்கு மாற்றாக உண்மைக்கும் நேர்மைக்கும் எடுத்துக்காட்டாக தே.மு.தி.க. உள்ளது என்பதை மக்கள் அறிவார்கள். ஆகவேதான் தமிழகத்தில் மிகப்பெரிய மாற்றத்தை மக்கள் விரும்புகிறார்கள். மக்கள் விரும்பும் சக்தியாக தே.மு.தி.க. உள்ளது. போயஸ் தோட்டத்தை விடமாட்டேன் என்று தீபாவும், ஆட்சியை தரமாட்டேன் என்று எடப்பாடியும் உள்ளனர். மக்களைப் பற்றி அவர்கள் கவலைப்படவே இல்லை. ஆகவே தமிழக வளர்ச்சி கேள்விக்குறியாக உள்ளது. அதை எதிர்க்கட்சியும் கண்டுகொள்ளவில்லை. மக்களுக்கான ஆட்சி, மக்கள் ஆட்சியாக தே.மு.தி.க.வால் உருவாகும். நாளை புதிய வரலாறு படைக்கும்.இவ்வாறு பேசினார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

Friends Track CALL TAXI & CAB (P) LTD

crescentopticals











Thoothukudi Business Directory