» கல்வி / வேலை » கல்விச்செய்திகள் (தூத்துக்குடி)
மண்டல அளவிலான என்.சி.சி. பயிற்சி முகாம்: ஸ்ரீ கணேசர் பள்ளி மாணவர் தகுதி!
சனி 28, மே 2022 12:05:16 PM (IST)
மண்டல அளவிலான என்.சி.சி. பயிற்சி முகாமில் பங்கேற்க பணிக்கநாடார் குடியிருப்பு ஸ்ரீ கணேசர் பள்ளி மாணவர் தகுதி பெற்றுள்ளார்.
தூத்துக்குடி மாவட்டம், குரும்பூர் அருகே உள்ள பணிக்கநாடார் குடியிருப்பு ஸ்ரீ கணேசர் பள்ளி தேசிய மாணவர் படை மாணவ மாணவிகள் 30 பேர் மதுரை என்.சி. அகாடமியில் நடந்த மாவட்ட அளவிலான ஆண்டு இறுதி பயிற்சி முகாமில் 10 நாட்கள் பயிற்சி பெற்றனர். அதில் 9ம் வகுப்பு மாணவன் ஹரிம் மாதவன் சிறந்த கேடட்டாக தேர்வு பெற்று மண்டல அளவிலான இறுதி பயிற்சி முகாமில் கலந்து கொள்ள தகுதி பெற்றுள்ளார்.
மேலும் ஹரிம் மாதவன், பால்ரேனியஸ் ஆகிய இரு மாணவர்களும் கைப்பந்து போட்டியில் கலந்து கொண்டு வெள்ளி பதக்கம் வென்றனர். வெற்றி பெற்ற மாணவர்களையும் பயிற்சியில் கலந்து கொண்டு சிறப்பித்த மாணவர்களையும் பள்ளி செயலாளர் செல்வம், தலைவர் பிரபாகரன், பொருளாளர் விஜய சேகர், நிர்வாக அலுவலர் சுரேஷ் காமராஜ், தலைமையாசிரியர் வித்யாதரன், ஆசிரியர்கள், ஊர் பொது மக்கள் ஆகியோர் பாராட்டினர். தலைவர் மற்றும் செயலாளர் இருவரும் வெற்றி பெற்ற மாணவர்களுக்கு ரொக்க பரிசு வழங்கி மகிழ்ந்தனர்.