காமராஜ் கல்லூரியில் சுபாஷ் சந்திரபோஸ் பிறந்த நாள் விழா

காமராஜ் கல்லூரியில் நேதாஜி சுபாஷ் சந்திரபோஸ் 125ஆவது பிறந்த நாள் விழா கொண்டாடப்பட்டது. 

நேதாஜி சுபாஷ் சந்திரபோஸ் 125ஆவது பிறந்த நாள் இன்று காமராஜ் கல்லூரியில் நாட்டு நலப்பணித்திட்ட அணி 54 மற்றும் 56ன் சார்பில் கொண்டாடப்பட்டது.  அணி 54ன் அதிகாரி ஆ.தேவராஜ் வரவேற்புரையாற்றினார்.  கர்னல் சுந்தரம் சிறப்பு விருந்தினராக கலந்து கொண்டார்.  அவரது உரையில் நாட்டு எல்லையில் போராடும் வீரர்களுக்காக நாம் அனைவரும் பிரார்த்திக்க வேண்டும் என்றும், நேத்தாஜி நாட்டிற்காக சிந்திய ரத்த துளிகளுக்காகவும், இன்றுவரை போராடும் ஒவ்வொரு வீரரின் செயல்களுக்காகவும் நாம் நன்றி செலுத்த வேண்டும் என கூறினார்.  

அதனைத் தொடர்ந்து நேத்தாஜி சுபாஷ் சந்திரபோஸின் படத்திற்கு மலர்தூவி மரியாதை செலுத்தப்பட்டது.  நிகழ்ச்சிக்கு கல்லூரி முதல்வர் து.நாகராஜன் தலைமை தாங்கினார். அணி 56ன் அதிகாரி பா.பொன்னுத்தாய் நன்றி கூறினார்.  இதனைத் தொடர்ந்து நாட்டு நலப் பணித்திட்ட மாணவ, மாணவியர்கள் கல்லூரி எதிரே உள்ள தூத்துக்குடி மாவட்ட தலைமை தபால் நிலையம் சென்று நேத்தாஜி சுபாஷ் சந்திரபோஸின் படம் பொறிக்கப்பட்ட தபால் அட்டைகளை வாங்கி அவரது பிறந்த நாளை நினைவு கூர்ந்தனர்.