விடாமுயற்சி ரிலீஸ் : அஜித் ரசிகர்கள் உற்சாகம்!

» சினிமா » செய்திகள்

விடாமுயற்சி ரிலீஸ் : அஜித் ரசிகர்கள் உற்சாகம்!

வியாழன் 6, பிப்ரவரி 2025 3:25:22 PM (IST)

அஜித்தின் விடாமுயற்சி திரைப்படம் உலகம் முழுக்க திரையரங்குகளில் ரிலீஸ் ஆனது.

மகிழ் திருமேனி இயக்கத்தில் அஜித் குமார் நடித்துள்ள இருக்கும் திரைப்படம் விடாமுயற்சி. லைகா நிறுவனம் தயாரித்துள்ள இந்தப் படம் நீண்ட காலமாக எடுக்கப்பட்டு வந்தது. மேலும், இந்தப் படத்தின் ரிலீஸ் பலமுறை ஒத்திவைக்கப்பட்டு வந்தது.

இந்த நிலையில், பல்வேறு தடைகளை தாண்டி இன்று (பிப்ரவரி 6) விடாமுயற்சி திரைப்படம் உலகம் முழுக்க திரையரங்குகளில் ரிலீஸ் ஆனது. நடிகர் அஜித் குமாரின் திரைப்படம் கிட்டத்தட்ட இரண்டு ஆண்டுகளுக்கு பிறகு ரிலீஸ் ஆகியுள்ளதை அடுத்து, ரசிகர்கள் திரையரங்குகளை நோக்கி படையெடுத்தனர்.

இன்று அதிகாலை முதலே திரையரங்கிற்கு வரத் தொடங்கிய ரசிகர்கள் விடாமுயற்சி ரிலீஸ்-ஐ ஆட்டம், பாட்டத்துடன் கொண்டாடித் தீர்த்தனர். விடாமுயற்சி திரைப்படம் பெரும் எதிர்பார்ப்புக்கு மத்தியில் ரிலீஸ் ஆகியுள்ளதை அடுத்து, இந்தப் படம் வசூலில் சாதனை படைக்கும் என்று தெரிகிறது.

இந்தப் படத்தில் நடிகர் அஜித் குமார், ஆரவ், அர்ஜூன் உள்பட திரிஷா, ரெஜினா கசாண்ட்ரா, நிகில் நாயர் மற்றும் பலர் நடித்துள்ளனர். இந்தப் படத்திற்கு அனிருத் இசையமைத்துள்ளார். படத்தின் ரிலீசை ஒட்டி கடந்த சில நாட்களில் இந்தப் படத்தின் சிறப்பு போஸ்டர், வீடியோக்களை படத்தயாரிப்பு நிறுவனம் வெளியிட்டு வந்தது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

விடாமுயற்சி ரிலீஸ் : அஜித் ரசிகர்கள் உற்சாகம்!

» சினிமா » செய்திகள்