உலகக்கோப்பை ஹாக்கி: நியூசிலாந்திடம் தோல்வி

» செய்திகள் - விளையாட்டு » விளையாட்டு

உலகக்கோப்பை ஹாக்கி: நியூசிலாந்திடம் தோல்வி - வெளியேறியது இந்திய அணி!

திங்கள் 23, ஜனவரி 2023 10:52:43 AM (IST)

உலகக் கோப்பை ஹாக்கியில் நியூசிலாந்து அணிக்கு எதிரான போட்டியில் பெனால்ட்டி முறையில் இந்திய அணி தோல்வியைத் தழுவியது.

ஒடிஸா மாநிலம், புவனேசுவரம், ரூா்கேலாவில் உலகக் கோப்பை ஹாக்கிப் போட்டி நடைபெற்று வருகிறது. குரூப் பிரிவு ஆட்டங்கள் முடிந்த நிலையில், இங்கிலாந்து, நெதா்லாந்து உள்பட 4 அணிகள் நேரடியாக காலிறுதிக்கு தகுதி பெற்று விட்டன.

இந்நிலையில், மீதமுள்ள நான்கு காலிறுதி இடங்களுக்கு குரூப் பிரிவுகளில் இரண்டு, மூன்றாம் இடங்களைப் பெற்ற அணிகள் மோதுகின்றன. அதன்படி, கிராஸ்ஓவா் ஆட்டத்தில் நியூஸிலாந்துடன் இந்தியா இன்று மோதியது. இதில் கட்டாயம் வென்றால் தான் காலிறுதிக்கு முன்னேற முடியும் என்கிற நிலையில் இந்தியா களமிறங்கியது.

எனவே இன்றைய ஆட்டத்தில் அனல் பறந்தது. பரபரப்பாக நடைபெற்ற இந்த ஆட்டத்தில் ஆட்ட நேர முடிவில் இரு அணிகளும் தலா 3 கோல் அடித்திருந்திருந்தன. இதனால் ஆட்டத்தில் பெனால்ட்டி சூட் அவுட் முறை கடைப்பிடிக்கப்பட்டது. அதில் 5-4 என்ற கோல் கணக்கில் நியூசிலாந்து வெற்றி பெற்றது. இப்போட்டியில் வெற்றி பெற்ற நியூசிலாந்து காலிறுதியில் பெல்ஜியத்தை எதிர்கொள்கிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

கான்வேவுக்குப் பதிலாக மாற்று வீரரை அறிவித்த சிஎஸ்கே!

உலகக்கோப்பை ஹாக்கி: நியூசிலாந்திடம் தோல்வி - வெளியேறியது இந்திய அணி!

» செய்திகள் - விளையாட்டு » விளையாட்டு