» செய்திகள் - விளையாட்டு » சிறப்பு பார்வை

ஜாதி வாட்ஸ்ஆப் குழுக்கள் வைத்திருந்தால் சஸ்பெண்ட் : போலீசாருக்கு எஸ்.பி., எச்சரிக்கை

செவ்வாய் 7, ஜூலை 2020 11:06:56 AM (IST)

தூத்துக்குடி மாவட்டத்தில் சில காவல்துறை அதிகாரிகள் வாட்ஸ்ஆப் குழுக்கள் அமைத்து ஜாதி ரீதியிலான நடவடிக்கைகளில் ஈடுபடுவதாக வந்த தகவலை அடுத்து இது போன்ற செயல்களில் ஈடுபடும் காவலர்கள் உடனே சஸ்பெண்ட் செய்யபடுவார்கள் என மாவட்ட எஸ்பி ஜெயக்குமார் கடும் எச்சரிக்கை விடுத்துள்ளார்.

தூத்துக்குடி, திருநெல்வேலி மாவட்டங்களை சேர்ந்த சில காவல்துறை அதிகாரிகள் தங்கள் ஜாதியை சேர்ந்த அதிகாரிகளை சேர்த்து வாட்ஸ்ஆப் குழுக்கள் வைத்து ஜாதி ரீதியிலான நடவடிக்கைகளில் ஈடுபடுவதாக தெரிய வந்துள்ளது. பதட்டம் நிறைந்த தூத்துக்குடி, திருநெல்வேலி ஆகியவை மாவட்டத்தில் ஜாதிய மோதல்கள் அவ்வப்போது தலை தூக்குவது வழக்கம். முன்பு அதிக ஜாதிய மோதல்கள் நடைபெற்று வந்த நிலையில் தற்போது தான் அவை குறைந்து அமைதி நிலவி வருகிறது. 

இந்நிலையில் தூத்துக்குடி, திருநெல்வேலி மாவட்டத்தில் சில காவல்துறை அதிகாரிகள் வாட்ஸ்ஆப் குழுக்கள் அமைத்து ஜாதி ரீதியிலான நடவடிக்கைகளில் ஈடுபடுவதாகவும் இதனால் மறுபடியும் ஜாதி கலவரம் ஏற்படுத்துமோ என்ற அச்சம் பொதுமக்கள் மத்தியில் ஏற்பட்டது. இது குறித்து நமது டூட்டி ஆன்லைன் இணையதளத்தில் கடந்த ஜூன் 25 ம் தேதி செய்தி வெளியாகி இருந்தது.

இந்நிலையில் கடந்த சில தினங்களுக்கு முன் தூத்துக்குடி மாவட்ட எஸ்பி ஜெயக்குமார் தலைமையில், மாவட்டத்தின் பல்வேறு காவல்நிலையங்களில் பணிபுரியும் போலீஸ் அதிகாரிகளுக்கான கூட்டம் நடைபெற்றது. இதில் வாட்ஸ்ஆப்பில் ஜாதி ரீதியிலான நடவடிக்கைகளில் காவல்துறை அதிகாரிகள் ஈடுபடுவது தெரிய வந்தால் 3 நாட்களுக்குள் அது கண்டறியப்பட்டு சம்பந்தப்பட்ட காவலர் உடனே சஸ்பெண்ட் செய்யப்படுவார் அல்லது ஆயுதப்படைக்கு மாற்றப்படுவார்கள் என எஸ்பி., கடும் எச்சரிக்கை விடுத்துள்ளார். 

மேலும் காவல்நிலையத்திற்கு புகார் கொடுக்க வருவோர், விசாரணைக்கு அழைத்து வருவோரிடம் காவல்துறை அதிகாரிகள் ஜாதிய பாகுபாடு காட்ட கூடாது. ஒரு ஜாதிக்கு ஆதரவாகவும் மற்றொருவருக்கு எதிராகவும் செயல்பட கூடாது. காவல்துறையில் பணியாற்றும் நாம் அனைவரும், அனைத்து சமூகத்திற்கும் பொதுவானவர்கள் என்பதை நினைவில் கொள்ள வேண்டும் என அறிவுறுத்தியதாக தெரிகிறது. மேலும் தூத்துக்குடி மாவட்டத்திலுள்ள அனைத்து காவல்நிலையங்களிலும் ஒரு போர்டு வைக்கப்பட்டுள்ளது. 

அதில் சம்பந்தப்பட்ட காவல்நிலையத்தின் பெயர்,மாவட்ட எஸ்பி., ஜெயக்குமார் பெயர் மற்றும் அவரது செல்போன் எண், அந்த பகுதி டிஎஸ்பியின் பெயர் மற்றும் செல்போன் எண் கொடுக்கப்பட்டுள்ளது. மாவட்ட எஸ்பி.,யின் இந்த நடவடிக்கைகக்கு பொதுமக்கள், சமூக ஆர்வலர்கள் பாராட்டு தெரிவித்துள்ளனர். சாத்தான்குளம் சம்பவத்தால் காவல்துறை மீது பாெதுமக்களுக்கு ஏற்பட்டுள்ள அதிருப்தியை போக்க இது போல் மேலும் பல அதிரடி நடவடிக்கைகளை எஸ்பி., எடுக்க வேண்டும் எனவும் அவர்கள் வலியுறுத்தியுள்ளனர். 


மக்கள் கருத்து

PANDIJul 7, 2020 - 04:30:19 PM | Posted IP 108.1*****

SUPER POLICE

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads






Anbu Communications

Black Forest Cakes



Thoothukudi Business Directory