ஸ்டாலின் உடன் ரஜினி சந்திப்பு: இக்கட்டான நேரத்தில் உறுதுணையாக இருப்பேன் என உறுதி!

» செய்திகள் - விளையாட்டு » தமிழகம்

ஸ்டாலின் உடன் ரஜினி சந்திப்பு: இக்கட்டான நேரத்தில் உறுதுணையாக இருப்பேன் என உறுதி!

புதன் 6, மே 2026 3:20:09 PM (IST)

சட்டமன்றத் தேர்தலில் ஏற்பட்ட எதிர்பாராத முடிவுகளுக்குப் பிறகு, திமுக தலைவர் மு.க.ஸ்டாலினை நடிகர் ரஜினிகாந்த் நேரில் சந்தித்துப் பேசியுள்ளார்.

நடந்து முடிந்த 2026 தமிழ்நாடு சட்டமன்றத் தேர்தலில் நடிகர் விஜய் தலைமையிலான தமிழக வெற்றிக் கழகம் 108 இடங்களைக் கைப்பற்றி தனிப்பெரும் கட்சியாக உருவெடுத்துள்ளது. திமுக கூட்டணி 73 இடங்களையும், அதிமுக கூட்டணி 53 இடங்களையும் பெற்றுள்ளன.

குறிப்பாக, கொளத்தூர் தொகுதியில் போட்டியிட்ட திமுக தலைவர் மு.க.ஸ்டாலின், தவெக வேட்பாளர் வி.எஸ்.பாபுவிடம் 8,795 வாக்குகள் வித்தியாசத்தில் தோல்வியைத் தழுவினார். எனினும், ஜனநாயகக் கடமையாற்றும் வகையில் கொளத்தூர் தொகுதி மக்களுக்கு நேற்று மாலை நேரில் சென்று அவர் நன்றி தெரிவித்தார்.

தேர்தலுக்குப் பிந்தைய சூழலில், திமுக கூட்டணியில் இருந்து காங்கிரஸ் கட்சி வெளியேறியுள்ளது. மேலும், தமிழகத்தில் தவெக ஆட்சி அமைப்பதற்கு நிபந்தனையுடன் கூடிய ஆதரவை அளிப்பதாக காங்கிரஸ் தலைமை அறிவித்துள்ளது. இதனால் தமிழகத்தில் புதிய ஆட்சி அமைப்பதற்கான அரசியல் நகர்வுகள் தீவிரமடைந்துள்ளன.

இந்த இக்கட்டான அரசியல் சூழலில், நடிகர் ரஜினிகாந்த் சென்னை ஆழ்வார்பேட்டையில் உள்ள மு.க.ஸ்டாலின் இல்லத்திற்கு நேரில் சென்றார். அங்கு ஸ்டாலினைச் சந்தித்த ரஜினிகாந்த், அவரது உடல்நலம் குறித்து விசாரித்ததுடன், "இந்தச் சோதனையான நேரத்திலும் நான் உங்களுடன் ஒரு நண்பனாக இருப்பேன்" என்று உருக்கமாகத் தெரிவித்தார்.

தோல்வி மற்றும் கூட்டணி மாற்றங்களால் பரபரப்பான சூழல் நிலவும் வேளையில், இந்தச் சந்திப்பு ரஜினிகாந்த் மற்றும் மு.க.ஸ்டாலின் இடையேயான நீண்டகால நட்பின் வெளிப்பாடாகப் பார்க்கப்படுகிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: