» செய்திகள் - விளையாட்டு » தமிழகம்

சீப்பை மறைத்து வைத்து விட்டால் கல்யாணம் நிற்காது: கைது நடவடிக்கை குறித்து ஆர்.எஸ்.பாரதி கருத்து

சனி 23, மே 2020 11:53:44 AM (IST)

"யாரையோ திருப்திப்படுத்துவதற்காக என் மீது நடவடிக்கை எடுக்கப்பட்டுள்ளது" என திமுக அமைப்புச் செயலாளர் ஆர்.எஸ். பாரதி தெரிவித்துள்ளார். 

கடந்த பிப்ரவரி 15 ஆம் தேதி அன்பகத்தில் நடந்த கூட்டத்தில் பட்டியலின மக்களை அவமதிக்கும் வகையில் பேசியதாக ஆர்.எஸ்.பாரதி மீது சர்ச்சை எழுந்தது. இதையடுத்து அவர் வருத்தம் தெரிவித்தார்.  அதேநேரத்தில் நீதிபதிகள், பட்டியலின் மக்களை அவமதிக்கும் வகையில் பேசியதாக ஆர்.எஸ்.பாரதி மீது ஆதித்தமிழர் மக்கள் கட்சித் தலைவர் கல்யாண சுந்தரம் என்பவர் காவல்நிலையத்தில் புகார் அளித்தார். அந்த புகாரின் பேரில் மூன்று மாதங்களுக்கு பின்னர் தற்போது காவலர்கள் அவரை கைது செய்துள்ளனர். 

கைதுக்கு பின்னர் ஆர்.எஸ்.பாரதி  செய்தியாளர்களுக்கு அளித்த பேட்டியில், நான் பேசியது சமூக ஊடகங்களில் திரிக்கப்பட்டு வெளியானது. கோவையில் கரோனா தடுப்புப் பொருள்கள் வாங்கியதில் ரூ.200 கோடிக்கு ஊழல் நடந்துள்ளது. இதுகுறித்து துணை முதல்வர் ஓ.பன்னீர்செல்வம் மீது புகார் அளித்தேன். இந்த நிலையில் யாரையோ திருப்திப்படுத்துவதற்காக என் மீது நடவடிக்கை எடுக்கப்பட்டுள்ளது. சீப்பை மறைத்து வைத்து விட்டால் கல்யாணம் நிற்காது. கரோனா விவகார ஊழல் பற்றி புகாரளிக்கப்படும் என்று ஆர்.ஆர்.பாரதி கூறினார். 


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads


Black Forest Cakes



Friends Track CALL TAXI & CAB (P) LTD

Anbu Communications




Thoothukudi Business Directory