» செய்திகள் - விளையாட்டு » தமிழகம்

வெள்ளை அறிக்கை வெளியிட்டால் முதல்வருக்கு பாராட்டு விழா நடத்த தயார் : ஸ்டாலின்

செவ்வாய் 10, செப்டம்பர் 2019 8:16:31 PM (IST)

உலக முதலீட்டாள்ர்கள் மாநாடுகளின் மூலம், அதிமுக ஆட்சியில் போடப்பட்ட புரிந்துணர்வு ஒப்பந்தங்கள் குறித்து முதல்வர் பழனிசாமி வெள்ளை அறிக்கை வெளியிட்டால், அவருக்கு பாராட்டு விழா நடத்த தயார் என்று திமுக தலைவர் ஸ்டாலின் அதிரடியாக தெரிலித்துள்ளார்.

இது குறித்து திமுக தலைவர் ஸ்டாலின் வெளியிட்ட செய்திகுறிப்பில், தி.மு.க. ஆட்சியில் 2006 முதல் 2010 மார்ச் வரை மட்டும் 46,091 கோடி ரூபாய் அந்நிய முதலீடுகள் பெறப்பட்டு 2.21 லட்சம் பேருக்கு வேலை வாய்ப்புகள் வழங்கப்பட்டன.அதன் பயனாக, தாம்பரம் முதல் செங்கல்பட்டு வரையிலும், அம்பத்தூர் முதல் காஞ்சிபுரம் வரையிலும் இன்று தொழிற்சாலைகள் அணி வகுத்து நிற்கின்றன.ஆனால், அதிமுக ஆட்சியில் 2015ல் நடந்தப்பட்ட முதல் உலக முதலீட்டாளர்கள் மாநாட்டில் 98 புரிந்துணர்வு ஒப்பந்தங்களும், 2019 -இல் நடைபெற்ற இரண்டாவது உலக முதலீட்டாளர்கள் மாநாட்டில் 304 புரிந்துணர்வு ஒப்பந்தங்களும் போடப்பட்டன. அவற்றின் கதி என்னவென்றே தெரியவில்லை.

இப்போது முதல்வரின் 13 நாள்கள் வெளிநாட்டு பயணத்தில் போட்டுள்ளதாகக் கூறப்படும் 41 புரிந்துணர்வு ஒப்பந்தங்களின் கதி என்ன ஆகுமோ என்றும் தெரியவில்லை.அ.தி.மு.க ஆட்சியில் இதுவரை போடப்பட்டுள்ள 443 புரிந்துணர்வு ஒப்பந்தங்களின்படி எத்தனைக் கோடி ரூபாய்க்கு முதலீடுகள் பெறப்பட்டுள்ளன? அந்த முதலீடுகள் மூலம் தொடங்கப்பட்டு - செயல்படும் தொழிற் நிறுவனங்கள் எத்தனை? அந்நிறுவனங்கள் மூலம் எத்தனை ஆயிரம் பேருக்கு வேலை வாய்ப்புகள் உருவாக்கித் தரப்பட்டன என்பதையெல்லாம் விரிவான வெள்ளை அறிக்கையாக முதல்வர் வெளியிடத் தயாரா?

அப்படி உண்மைகளை வெளியிட்டால், முதலமைச்சருக்கு தி.மு.க. சார்பில் பாராட்டு விழா நடத்தத் தயாராக இருக்கிறேன். என் சவாலை முதல்வர் எடப்பாடி பழனிசாமி ஏற்றுக் கொள்ளத் தயாரா? என ஸ்டாலின் சவால் விடுத்துள்ளார்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Black Forest Cakes


Friends Track CALL TAXI & CAB (P) LTD



Anbu Communications



Thoothukudi Business Directory