» செய்திகள் - விளையாட்டு » தமிழகம்

பெப்சி, கோக், உள்ளிட்ட அந்நிய குளிர்பானங்களுக்கு ஆகஸ்ட் 15 முதல் தடை : வெள்ளையன் அறிவிப்பு

புதன் 15, மே 2019 12:27:40 PM (IST)

தமிழகத்தில் வரும் ஆகஸ்ட் 15ஆம் தேதி முதல் கோக், பெப்சி உள்ளிட்ட அந்நியக் குளிர்பானங்களுக்கு தடை விதிக்கப்படும் என்று தமிழ்நாடு வணிகர் சங்க பேரவை தலைவர் வெள்ளையன் தெரிவித்துள்ளார்.

2017ஆம் ஆண்டு ஜனவரி மாதத்தில் ஜல்லிக்கட்டு போராட்டம் நடைபெற்றபோது, ஜல்லிக்கட்டு விளையாட்டுக்கு எதிராகச் செயல்பட்ட பீட்டா அமைப்பைக் கண்டித்து அந்நிய நாட்டு குளிர்பானங்களான கோக், பெப்சியை தமிழகத்தில் விற்பனை செய்யக் கூடாது என்று போராட்டக்காரர்கள் கோரிக்கை வைத்து பானங்களைப் புறக்கணித்தனர். இதைத்தொடர்ந்து தமிழகத்தில் பெப்சி, கோக் விற்பனை செய்யப்படாது என்று வணிகர் சங்க பேரவை அறிவித்தது. இதனால் அந்நிறுவனங்களின் வர்த்தகம் தமிழகத்தில் வீழ்ச்சியடைந்தது.

பின்னர் மத்திய அரசிடம் பேச்சுவார்த்தை நடத்தியதைத் தொடர்ந்து பெப்சி, கோக் தமிழகத்தில் மீண்டும் விற்பனையாகத் தொடங்கியது. இந்நிலையில், தமிழகத்தில் பெப்சி, கோக் உள்ளிட்ட அந்நிய நாட்டு பானங்கள் விற்பனை செய்யப்படாது என்று வணிகர் சங்க பேரவை தலைவர் வெள்ளையன் தெரிவித்துள்ளார். இதுகுறித்து விழுப்புரத்தில் நேற்று (மே 14) செய்தியாளர்களிடம் பேசிய வெள்ளையன், "வருகிற ஆகஸ்ட் 15ஆம் தேதி முதல் தமிழகத்தில் அனைத்து கடைகளிலும் பெப்சி, கோக் உள்ளிட்ட வெளிநாட்டு குளிர்பானங்களுக்குத் தடை விதிக்கப்படும். பல்வேறு தரப்பினர் விடுத்த கோரிக்கைகளுக்கு ஏற்ப இந்த விதிமுறை ஆகஸ்ட் 15ஆம் தேதி முதல் நடைமுறைக்குக் கொண்டுவரப்படுகிறது. வெளிநாட்டுக் குளிர்பானங்களுக்குப் பதிலாக இளநீர், பதநீர் மற்றும் உள்ளூர் குளிர்பானங்கள் விற்பனை செய்யப்படும்” என்று தெரிவித்தார்.


மக்கள் கருத்து

கர்ணராஜ்மே 16, 2019 - 08:31:25 AM | Posted IP 162.1*****

நல்ல விஷயம். வாழ்க சுதேசி.

சாமான்யன்மே 15, 2019 - 10:57:11 PM | Posted IP 162.1*****

நீங்க தானடா கடையில் வித்து சம்பாத்யம் பண்ணினீங்க...இப்ப என்னாச்சு

பாலாமே 15, 2019 - 01:53:05 PM | Posted IP 162.1*****

வரவேற்க வேண்டிய விஷயம். நடைமுறைப்படுத்தினால் நன்று...

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Nalam Pasumaiyagam

Black Forest Cakes

CSC Computer Education

New Shape Tailors

Anbu Communications


Joseph Marketing




Thoothukudi Business Directory