வேன் மீது கார் மோதி விபத்து: வாலிபர் பலி, 3 பேர் படுகாயம்!

» செய்திகள் - விளையாட்டு » மாவட்ட செய்தி (தூத்துக்குடி)

வேன் மீது கார் மோதி விபத்து: வாலிபர் பலி, 3 பேர் படுகாயம்!

வியாழன் 6, ஆகஸ்ட் 2026 11:57:42 AM (IST)

ஆறுமுகநேரி அருகே வேன் மீது கார் மோதிய விபத்தில் வாலிபர் சம்பவ இடத்திலேயே பரிதாபமாக உயிரிழந்தார். மேலும் 3 பேர் படுகாயமடைந்தனர்.

தூத்துக்குடி மாவட்டம் ஆறுமுகநேரி இளங்காத்தா அம்மன் கோவில் தெருவைச் சேர்ந்த சக்திவேல் மகன் லட்சுமணன் (40), ரங்கன் மகன் சுதாகர் (48) மற்றும் காஞ்சிபுரத்தைச் சேர்ந்த வினோத் (41) ஆகிய 3 பேரும் காரில் காயல்பட்டினத்தில் இருந்து ஆறுமுகநேரி நோக்கிச் சென்று கொண்டிருந்தனர். காரை லட்சுமணன் ஓட்டியுள்ளார்.

ஆறுமுகநேரி சோதனைச் சாவடி அருகே கார் சென்றபோது, குரும்பூரில் இருந்து காயல்பட்டினம் நோக்கி எதிரே வந்த வேன் மீது கார் மோதி விபத்துக்குள்ளானது. இந்தக் கோர விபத்தில் காரில் பயணித்த காஞ்சிபுரத்தைச் சேர்ந்த வினோத் (41) பலத்த காயமடைந்து சம்பவ இடத்திலேயே பரிதாபமாக உயிரிழந்தார்.

மேலும், காரில் இருந்த லட்சுமணன், சுதாகர் மற்றும் வேன் ஓட்டுநரான குரும்பூர் தண்ணீர் பந்தலைச் சேர்ந்த முருகன் மகன் மகேஷ் (35) ஆகிய 3 பேரும் படுகாயமடைந்தனர். நல்வாய்ப்பாக வேனில் இருந்த பயணிகளுக்கு எவ்வித காயமும் ஏற்படவில்லை.

விபத்து குறித்து தகவலறிந்த ஆறுமுகநேரி காவல்துறையினர் உடனடியாகச் சம்பவ இடத்திற்கு விரைந்து வந்து, காயமடைந்த 3 பேரையும் மீட்டுச் சிகிச்சைக்காகத் திருச்செந்தூர் அரசு மருத்துவமனைக்கு அனுப்பி வைத்தனர்.

உயிரிழந்த வினோத்தின் உடல் பிரேதப் பரிசோதனைக்காக அனுப்பி வைக்கப்பட்டது. இச்சம்பவம் தொடர்பாக வேன் ஓட்டுநர் மகேஷ் அளித்த புகாரின் பேரில், ஆறுமுகநேரி காவல்துறையினர் வழக்குப் பதிவு செய்து தீவிர விசாரணை நடத்தி வருகின்றனர்.

மக்கள் கருத்து

ஶ்ரீAug 8, 2026 - 01:54:15 PM | Posted IP 104.2*****

மதுப்பிரியர்கள் செய்த விபத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: