நெட்டூர் வன்கொடுமையைக் கண்டித்துத் தீண்டாமை ஒழிப்பு முன்னணி தூத்துக்குடியில் ஆர்ப்பாட்டம்!

» செய்திகள் - விளையாட்டு » மாவட்ட செய்தி (தூத்துக்குடி)

நெட்டூர் வன்கொடுமையைக் கண்டித்துத் தீண்டாமை ஒழிப்பு முன்னணி தூத்துக்குடியில் ஆர்ப்பாட்டம்!

புதன் 3, ஜூன் 2026 9:37:35 PM (IST)

நெட்டூர் கிராமத்தில் திருமண நிகழ்ச்சியில் புகுந்து, சாதிய வன்மத்துடன் தாக்குதல் நடத்திய சம்பவத்தைக் கண்டித்து தூத்துக்குடியில் ஆர்ப்பாட்டம் நடைபெற்றது.

தென்காசி மாவட்டம் ஆலங்குளம் அருகே உள்ள நெட்டூர் கிராமத்தில் பட்டியலின சமூகத்தைச் சேர்ந்தவர்களின் திருமண நிகழ்ச்சியில் புகுந்து, சாதிய வன்மத்துடன் தாக்குதல் நடத்திய மனிதநேயமற்ற சம்பவத்தைக் கண்டித்து, தமிழ்நாடு தீண்டாமை ஒழிப்பு முன்னணி தூத்துக்குடி மாவட்டக் குழு சார்பில் இன்று நகரின் மையப்பகுதியான விவிடி சிக்னல் அருகே கண்டன ஆர்ப்பாட்டம் நடைபெற்றது.

ஆர்ப்பாட்டத்திற்குத் தமிழ்நாடு தீண்டாமை ஒழிப்பு முன்னணி மாவட்டத் தலைவர் தி. சீனிவாசன் தலைமை வகித்தார். இதில் இந்திய ஜனநாயக வாலிபர் சங்க (DYFI) மாநிலச் செயலாளர் எஸ். கார்த்திக், தமிழ்நாடு தீண்டாமை ஒழிப்பு முன்னணி மாவட்டச் செயலாளர் கே. காசி, மாவட்டப் பொருளாளர் ஏ. வயண பெருமாள் உள்ளிட்ட முக்கிய நிர்வாகிகள் முன்னிலை வகித்துக் கண்டன உரையாற்றினர்.

இப்போராட்டத்திற்கு ஆதரவு தெரிவித்து சிஐடியு (CITU) சார்பில் மாவட்டச் செயலாளர் ஆர். ரசல், மக்கள் ஒற்றுமை மேடை தா. ராஜா, தீண்டாமை ஒழிப்பு முன்னணி மாவட்டத் துணைத் தலைவர்கள் சண்முகராஜ், ரவிச்சந்திரன், எம். எஸ். முத்து, சங்கரன், கருப்பசாமி ஆகியோர் பங்கேற்றனர்.

மேலும், வாலிபர் சங்க மாவட்டத் தலைவர் நேசமணி, மாவட்டச் செயலாளர் தினேஷ் குமார், மாணவர் சங்கம் (SFI) மாவட்டச் செயலாளர் ராம் குமார், தமிழ்நாடு முற்போக்கு எழுத்தாளர் கலைஞர் சங்கத்தின் மாவட்டத் தலைவர் மருத்துவர் சிவநாகரன் உள்ளிட்ட பல்வேறு இடதுசாரி மற்றும் முற்போக்கு அமைப்புகளின் தோழர்கள் திரளாகக் கலந்துகொண்டு தங்களது ஆதரவை வெளிப்படுத்தினர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: