மாணவர்களுக்கான இலவசத் திறன் மேம்பாட்டு முகாம் : ஆட்சியர் தொடங்கி விஷு மகாஜன் வைத்தார்!

» செய்திகள் - விளையாட்டு » மாவட்ட செய்தி (தூத்துக்குடி)

மாணவர்களுக்கான இலவசத் திறன் மேம்பாட்டு முகாம் : ஆட்சியர் தொடங்கி விஷு மகாஜன் வைத்தார்!

திங்கள் 11, மே 2026 4:22:57 PM (IST)

தூத்துக்குடியில் மாவட்ட நிர்வாகம் மற்றும் மாநகராட்சி இணைந்து நடத்தும் "கோடை கொண்டாட்டம்" என்ற வாழ்வியல் திறன் பயிற்சி முகாம் இன்று தொடங்கியது.

மாணவர்களின் கோடை விடுமுறையைப் பயனுள்ளதாகவும், அவர்களின் படைப்பாற்றலை ஊக்குவிக்கும் வகையிலும் தூத்துக்குடி மாவட்ட நிர்வாகம் மற்றும் மாநகராட்சி இணைந்து "கோடை கொண்டாட்டம்" என்ற வாழ்வியல் திறன் பயிற்சி முகாமைத் தொடங்கியுள்ளன.

இன்று (11.05.2026) தொடங்கியுள்ள இந்த முகாம், வரும் மே 30-ஆம் தேதி வரை தூத்துக்குடி மாநகராட்சியின் அறிவியல் பூங்கா (STEM Park) வளாகத்தில் நடைபெற உள்ளது. 5 வயது முதல் 15 வயது வரை உள்ள மாணவர்கள் இதில் முற்றிலும் இலவசமாகப் பங்கேற்கலாம். முகாம் தினமும் மாலை 3.00 மணி முதல் 7.00 மணி வரை நடைபெறும்.

தினமும் மாலை 3.00 மணி முதல் 4.00 மணி வரை பல்வேறு சுவாரசியமான தலைப்புகளில் வகுப்புகள் நடைபெறும்.

அறிவியல் & கணிதம்: கணக்கும் இனிக்கும், அறிவோம் அறிவியல், எங்கும் கணிதம், Optics and Astrophysics.

கலை & கைவினை: காகிதத்தில் கைவண்ணம் (Origami), மண்ணும் பேசும் (Clay Work), பனைப் பொருட்களில் கலைப் பொருட்கள்.

விழிப்புணர்வு அமர்வுகள்: நிதி அறிவு (Financial Literacy), சமூக ஊடக விழிப்புணர்வு, போதைப்பொருள் ஒழிப்பு மற்றும் போக்குவரத்து விதிகள்.

திறன் மேம்பாடு: மேடைப் பேச்சு, புத்தகம் மற்றும் செய்தித்தாள் வாசிப்பு, ஓவியம், மாயாஜாலம் (Magic).

வார இறுதித் திரைப்படங்கள்: சனிக்கிழமை மற்றும் ஞாயிற்றுக்கிழமைகளில் மாணவர்களின் சிந்தனைத் திறனை வளர்க்கும் வகையில் 'Children of Heaven', 'Tintin', 'The Way Home' போன்ற கருத்துள்ள திரைப்படங்கள் திரையிடப்பட்டு, அதன் பின் கலந்துரையாடல் நடைபெறும்.

மாலை 4.30 மணி முதல் 6.00 மணி வரை சதுரங்கம் (Chess), ரூபிக்ஸ் கியூப், சிலம்பம், யோகா மற்றும் ஸ்போக்கன் இங்கிலீஷ் போன்ற வகுப்புகள் நடைபெறும். இவை "முதலில் வருபவர்களுக்கு முன்னுரிமை" என்ற அடிப்படையில் ஒதுக்கப்படும்.

பெற்றோர்கள் இந்த வாய்ப்பைப் பயன்படுத்தித் தங்கள் குழந்தைகளின் தனித்திறன்களை வளர்க்க முன்வர வேண்டும் என மாவட்ட ஆட்சியர் விஷு மகாஜன் கேட்டுக்கொண்டுள்ளார். கூடுதல் விபரங்கள் மற்றும் முன்பதிவிற்கு +91 9597613988 / +91 8220750082 என்ற எண்களைத் தொடர்பு கொள்ளலாம் அல்லது அறிவியல் பூங்கா வளாகத்தில் நேரில் பதிவு செய்யலாம்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: