தூத்துக்குடியில் 2,747 பயனாளிகளுக்கு நலத் திட்ட உதவிகள் : அமைச்சர் கீதாஜீவன் வழங்கினார்.

விழுப்புரம் மாவட்டம், திண்டிவனத்தில் நடைபெற்ற என் கனவு என் எதிர்காலம் என்ற இணையதளத்தை தமிழக முதல்வர் மு.க.ஸ்டாலின் நேற்று தொடங்கிவைத்தார். இதைத் தொடர்ந்து, தூத்துக்குடி மாநகராட்சி மாநாட்டு மையத்தில் நடைபெற்ற நிகழ்ச்சிக்கு, மாவட்ட ஆட்சியர் க.இளம்பகவத் தலைமை வகித்தார். மாநகராட்சி மேயர் ஜெகன் பெரியசாமி, சண்முகையா எம்எல்ஏ, மாநகராட்சி ஆணையர் சி.ப்ரியங்கா ஆகியோர் முன்னிலை வகித்தனர்.

மாநில சமூக நலன் மற்றும் மகளிர் உரிமைத் துறை அமைச்சர் பி.கீதாஜீவன் கலந்துகொண்டு 2,747 பயனாளிகளுக்கு நலத் திட்ட உதவிகளை வழங்கினார். விழாவில், மாவட்ட வருவாய் அலுவலர் ஆ.ரவிச்சந்திரன், தூத்துக்குடி கோட்டாட்சியர் மி.பிரபு, மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் செந்தில்வேல்முருகன், துணை மேயர் செ.ஜெனிட்டா, மாவட்ட ஆதிதிராவிடர், பழங்குடியினர் நல அலுவலர் பென்னட் ஆசீர் உள்ளிட்டோர் கலந்துகொண்டனர்.