வாக்குத் திருட்டை கண்டித்து காங்கிரஸ் கட்சியினர் கண்டன ஆர்ப்பாட்டம்!

நாசரேத்தில், வாக்குத்திருட்டை கண்டிக்கும் வகையில் காங்கிரஸ் கட்சியினர் கண்டன ஆர்ப்பாட்டம் மற்றும் கையெழுத்து இயக்கம் நடத்தினர். 

சட்டமன்ற மற்றும் நாடாளுமன்ற தேர்தலில் வாக்குத்திருட்டு நடப்பதை கண்டித்து காங்கிரஸ் கட்சி சார்பில் நாடு முழுவதும் போராட்டங்கள் நடத்தி வருகின்றன. இதன் ஒரு பகுதியாக  நாசரேத் காமராஜர் பேருந்து நிலையம் அருகே நடைபெற்ற கண்டன ஆர்ப்பாட்டத்திற்கு தூத்துக்குடி தெற்கு மாவட்ட காங்கிரஸ் கட்சி தலைவரும் ஸ்ரீவைகுண்டம் சட்ட மன்ற உறுப்பினருமான ஊர்வசி அமிர்தராஜ் எம்.எல்.ஏ. தலைமை தாங்கினார். தமிழ்நாடு சட்டமன்ற காங்கிரஸ் தலைவரும் கிள்ளியூர் சட்ட மன்ற உறுப்பினருமான ராஜேஷ் குமார் எம்.எல்.ஏ‌.  கையெழுத்து இயக்கத்தை தொடங்கி வைத்துப் பேசினார்.

இதில் நாசரேத் நகர தலைவர் செல்வக்குமார், துணைத்தலைவர் செல்வின், நகர பொருளாளர் பிரேம்குமார், நகர ஓபிசி அணி தலைவர் காமராஜ், நகர திமுக செயலாளர் ஜமீன் சாலமோன், முன்னாள் நகர திமுக செயலாளர் ரவி செல்வகுமார், முன்னாள் பஞ்சாயத்து தலைவர் மாமல்லன், காங்கிரஸ் மாநில பொதுக்குழு உறுப்பினர் ஞானதுரை. தெற்கு மாவட்ட மகளிர் அணி தலைவி மாரியம்மாள், நகர மகளிர் காங்கிரஸ் தலைவி பெபின் மேரி, ஆழ்வை வட்டார கிழக்கு தலைவர் பாலசிங், மேற்கு வட்டார தலைவர் கோதண்டராமன், மற்றும் கட்சி நிர்வாகிகள் உட்பட சுமார் 500 பேர் கலந்து கொண்டனர்.