தூத்துக்குடியில் சமூக நீதி நாள் உறுதிமொழி ஏற்பு

தூத்துக்குடியில் மாவட்ட ஆட்சியர் அலுவலகம், மற்றும் காவல்துறை அலுவலகத்தில் "சமூக நீதி நாள்” உறுதிமொழி ஏற்கும் நிகழ்ச்சி நடந்தது. 

தூத்துக்குடி மாவட்ட ஆட்சியர் அலுவலக கூட்டரங்கில் "சமூக நீதி நாள்” உறுதிமொழியினை சமூக நலன் மற்றும் மகளிர் உரிமைத்துறை அமைச்சர் பி.கீதா ஜீவன் தலைமையில், மாவட்ட ஆட்சியர் க.இளம்பகவத், முன்னிலையில் அனைத்துத் துறை அரசு அலுவலர்களும் ஏற்றுக் கொண்டனர். 

மேலும், தந்தை பெரியார் அவர்களின் திருவுருவப் படத்திற்கு மலர் தூவி மரியாதை செலுத்தினர். இந்நிகழ்வில் மாவட்ட வருவாய் அலுவலர் ஆ.இரவிச்சந்திரன், மாவட்ட ஆட்சியரின் நேர்முக உதவியாளர் (பொது) சேது ராமலிங்கம், தூத்துக்குடி வருவாய் கோட்டாட்சியர் ம.பிரபு மற்றும் அனைத்துத் துறைச் சார்ந்த அலுவலர்கள் கலந்து கொண்டனர். 

தூத்துக்குடி மாவட்ட காவல்துறை அலுவலகத்தில் எஸ்பி ஆல்பர்ட் ஜான் தலைமையில் சமூக நீதி நாள் உறுதிமொழி எடுக்கப்பட்டது

ஒவ்வொரு ஆண்டும் செப்டம்பர் 17ஆம் நாள் சமூக நீதி நாள் அனுசரிக்கப்படுவதை முன்னிட்டு இன்று தூத்துக்குடி மாவட்ட காவல் அலுவலகத்தில் வைத்து மாவட்ட காவல் கண்காணிப்பாளர் ஆல்பர்ட் ஜான் முன்னிலையில் தலைமையிடத்து காவல்துறை கூடுதல் கண்காணிப்பாளர் ஆறுமுகம் உட்பட காவல்துறை அதிகாரிகள், ஆளிநர்கள் மற்றும் மாவட்ட காவல் அமைப்பு பணி நிர்வாக அதிகாரிகள் மற்றும் ஆளிநர்களால் சமூக நீதி நாள் உறுதிமொழி எடுக்கப்பட்டது.