கோவில்பட்டி பள்ளியில் ஸ்கோப் திருவிழா

கோவில்பட்டி விஸ்வகர்மா உயர்நிலைப் பள்ளியில் நடந்த ஸ்கோப் திருவிழாவில் மாணவர்களுக்கு நோக்கு கருவிகளின் செயல்பாடுகள் குறித்த விழிப்புணர்வு அட்டைகள் வழங்கப்பட்டது.

தமிழ்நாடு அஸ்ட்ரானமி சயின்ஸ் சொசைட்டி சார்பில் தமிழகம் முழுவதும் உள்ள மாவட்டங்களில் அஸ்ட்ரோ கிளப்புகள் அமைக்கப்பட்டு மாணவர்கள் மற்றும் பொதுமக்களிடம் வானியல் மற்றும் அறிவியல் கருத்துக்களை பரப்புரை செய்து வருகிறது. இதில் தமிழ்நாடு அஸ்ட்ரானமி சயின்ஸ் சொசைட்டி சார்பில் தமிழகம் முழுவதும் ஸ்டார் பார்ட்டி, நிலா திருவிழா, ஆயிரம் இடங்களில் அஸ்ட்ரானமி, கோள்கள் திருவிழாவை தொடர்ந்து ஸ்கோப் திருவிழாவை 200 இடங்களில் நடத்தி வருகிறது.

முதல் கட்டமாக மாவட்ட அரசு மாதிரி பள்ளி உள்பட 200 இடங்களில் ஸ்கோப் திருவிழாவை நடத்துகிறது. இதில் பெரிஸ்கோப், கலைடாஸ்கோப், மைக்ரோஸ்கோப், டெலஸ்கோப், ஸ்டெதோஸ்கோப், ஸ்டீரியோஸ்கோப், போல்டோஸ்கோப், உள்ளிட்ட நோக்கு கருவிகளின் அறிவியல் செயல்பாடுகள் குறித்து மாணவர்களுக்கு செயல்முறை பயிற்சியுடன் விழிப்புணர்வு அட்டைகள் வழங்கப்பட்டு வருகிறது.

கோவில்பட்டி விஸ்வர்மா உயர்நிலைப்பள்ளியில் நடந்த ஸ்கோப் திருவிழாவில் பள்ளி மாணவர்களுக்கு அடிப்படை அறிவியல் விளக்கங்களை புரிய வைக்கும் வகையில் நோக்கு கருவிகளின் செயல்பாடுகள் குறித்த விழிப்புணர்வு அட்டைகள் வழங்கப்பட்டது.

இந்நிகழ்ச்சிக்குவிஸ்வகர்மா மகாஜன சங்க செயலாளர் காளியப்பன் தலைமை வகித்தார், ரோட்டரி சங்க உறுப்பினர் நடராஜன், பள்ளி தலைமை ஆசிரியை கார்த்திஸ்வரி, ஆகியோர் முன்னிலை வகித்தனர்.ஆசிரியை கஸ்தூரி அனைவரையும் வரவேற்றார். தூத்துக்குடி மாவட்ட அஸ்ட்ரோ கிளப் செயலாளர் முத்து முருகன் கலந்து கொண்டு மாணவர்களுக்கு நோக்கு கருவிகளின் செயல்பாடு குறித்த விழிப்புணர்வு அட்டைகளை வழங்கி பேசினார். இதில் பள்ளி மாணவர்கள் உள்பட பலர் கலந்து கொண்டனர்.