காட்டுப் பகுதியில் அழுகிய நிலையில் ஆண் சடலம் மீட்பு

» செய்திகள் - விளையாட்டு » மாவட்ட செய்தி (தூத்துக்குடி)

காட்டுப் பகுதியில் அழுகிய நிலையில் ஆண் சடலம் மீட்பு - போலீஸ் விசாரணை

ஞாயிறு 10, நவம்பர் 2024 12:10:55 PM (IST)

பசுவந்தனை அருகே காட்டுக்குள் அழுகிய நிலையில் ஆண் சடலம் மீட்கப்பட்டது குறித்து போலீசார் விசாரணை நடத்தி வருகிறார்கள்.

தூத்துக்குடி மாவட்டம் பசுவந்தனை அருகே உள்ள சில்லாங்குளம் பரமன் பச்சேரி கிராமத்தை சேர்ந்தவர் முத்துசாமி மகன் முருகன் (40), இவர் 10 ஆண்டுகளாக மனைவியை பிரிந்து தனது தந்தை முத்துசாமியுடன் வசித்து வந்தார். இந்த நிலையில் முத்துசாமிதனக்கு சொந்தமான நிலத்தை பேரன் பெயருக்கு எழுதி வைத்து விட்டாராம்.

இதனால் ஆத்திரம் அடைந்த முருகன் தனது தந்தை முத்துசாமி தன் பெயருக்கு சொத்து எழுதாமல் பேரனுக்கு கொடுத்து விட்டார் என்ற ஆத்திரத்தில் கடந்த மூன்றாம் தேதி அவரை சரமாரியாக தாக்கினாராம். இதில் படுகாயம் அடைந்த அவர் பசுவந்தனை ஆரம்ப சுகாதார நிலையத்தில் சிகிச்சை பெற்றார். சம்பவம் குறித்து பசுவந்தனை காவல் நிலைய இன்ஸ்பெக்டர் பிரேமா வழக்கு பதிவு செய்து முருகனை தேடி வந்தனர்.

இந்த நிலையில் நேற்று இரவு சில்லாங்குளம் - சரவணபுரம் ரோட்டில் காட்டு பகுதியில் அழுகிய நிலையில் ஆண் சடலம் கிடப்பதாக பசுவந்தனை போலீசாருக்கு தகவல் கிடைத்தது. இதையடுத்து போலீசார் சம்பவ இடத்துக்கு சென்று பார்த்த போது அங்கு இறந்து கிடந்தது முருகன் என்று தெரியவந்தது.

அவரது உடல் அழுகி விட்டதால் சம்பவ இடத்திலேயே பிரேத பரிசோதனை நடந்தது. போலீசார் கைதுக்கு பயந்து விஷம் குடித்து தற்கொலை செய்து கொண்டாரா? அல்லது யாராவது கொலை செய்து பிணத்தை இங்கு போட்டார்களா என பசுவந்தனை இன்ஸ்பெக்டர் பிரேமா வழக்குப் பதிந்து விசாரணை நடத்தி வருகிறார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

காட்டுப் பகுதியில் அழுகிய நிலையில் ஆண் சடலம் மீட்பு - போலீஸ் விசாரணை

» செய்திகள் - விளையாட்டு » மாவட்ட செய்தி (தூத்துக்குடி)