இலங்கைக்கு பீடி இலைகளை கடத்த முயற்சி: தூத்துக்குடியைச் சேர்ந்த 3 பேர் கைது!

இலங்கைக்கு பீடி இலைகளை கடத்த முயன்றதாக தூத்துக்குடியைச் சேர்ந்த 3பேரை இலங்கை கடற்படையினர் கைது செய்துள்ளனர். 

தூத்துக்குடி இனிகோ நகர் கடற்கரை பகுதியில் இருந்து பதிவு எண் இல்லாத அரசால் தடை செய்யபட்ட அதிவேக என்ஜின் பொருத்தபட்ட படகில் கடந்த 11ஆம் தேதி பீடி இலைகளை கடத்த முயன்றதாக இனிகோநகர் பாப்பு மகன் ஜேசுராஜ் (42), ஜோ மகன் பிராங்பட்டு (28), ஜார்ஜ் ரோடு, இந்திரா நகர் ஜேசுராஜ் மகன் ராஜீவ் (40) ஆகிய 3 பேரை நடுக்கடலில் வைத்து இலங்கை கடற்படையினர் கைது செய்துள்ளனர். அவர்களது படகு மற்றும் கடத்த முயன்ற 2டன் பீடி இலைகளையும் இலங்கைக்கு கொண்டு சென்றுள்ளனர்.