சக்தி வித்யாலயாவில் உலக கழுத்துக்குட்டை தினம்

தூத்துக்குடி சக்தி வித்யாலயா மெட்ரிக்குலேசன் பள்ளியில் உலக கழுத்துக்குட்டை தினம் கொண்டாடப்பட்டது.

பாரத சாரண, சாரணிய இயக்கத்தின் உலக கழுத்துக்குட்டை தினம் இன்று 3-ம் மைல் சக்தி வித்யாலயா மெட்ரிக்குலேசன் பள்ளியில் கொண்டாடப்பட்டது. ஒவ்வொரு ஆண்டும் ஒவ்வொரு குறிக்கோளுடன் இந்த தினம் கொண்டாடப்படும். இந்த ஆண்டு "ஒரு சிறந்த உலகத்திற்கான சாரணன்” என்ற தலைப்பில் கொண்டாடப்பட்டது. 

சாரணர்கள் சமூக சேவை மூலம் 17 நிலையான வளர்ச்சி இலக்குகளை (SDGS) அடைய ஒவ்வொருவரும் ஒவ்வொரு நாளும் செயல்பட வேண்டும். என வலியுறுத்தப்பட்டது. மாணவ, மாணவியர்களுக்கு சாரண, சாரணியப் பொறுப்பாசிரியர்களால் சமூகங்களின் தேவைகளை பற்றி அறிந்து கொள்ளவும், மற்றவர்களின் வாழ்க்கையில் நீண்டகால மாற்றத்தை ஏற்படுத்துவதற்கும் விளக்கமளிக்கப்பட்டது. இதற்கான ஏற்பாடுகளை துணை முதல்வர் ரா.ச.பிரியங்கா மற்றும் ஆசிரியைகள் செய்திருந்தனர்.